Festus Hamalwa
Omulumenhu weedula 49 omukwashiwana waZambia okwa fya eshi a ponokelwa kondjabameva Osoondaxa efimbo lokeengulasha kolukanda Mafuta moshitukulwa shaZambezi.
Nakufya okwa tongolwa kutya oye Manyando Mubita omukalimo womodoolopa yaKatima Mulilo. Omupopiliko wopolifi moshitukulwa shaZambezi Inspector Sitali Kisco okwa hokolola ta ti omulumenhu okwa hangika e li metemo ongaa omukeeleli womaliko pondingosho imwe.
Opolifi oya ti ondjabameva oya ponokela omulumenhu ndele tai kala ta i mu tataa tava dingonoka onhele opo kwa li ta longele.
Mubita okwa lotoka fiyo ta loloka nokonima okwe ke lidenga po ndele ondjabameva tai mu dedaula noku mu monifa oshiponga. Opolifi oya ti nakuninga oshihakanwa kakwa li ta dulu okuenda shaashi okwa li a lemanekwa neenghono. Eshi a monika kovanhu okwa twalwa koshipangelo shaKatima Mulilo kopolifi opo ka mone epango lopaunamiti lomeendelelo. Mupya munene moshipangelo okwa kala mo ashike eevili nhee nokuxulifa.
Ovakwapata vaye ova shivifilwa, nomakonakono opolifi otaa twikile. Opolifi oya ti neudo oku na omuloka muhapu onghee naashi ohashi eta opo eendjabameva di dje mo momulonga shaashi kadi hole momeva pefimbo lodula.
Opolifi oya kunghulila oshiwana opo shi kale sha kotokela eendjabameva ngeenge tashi ende efimbo loufiku shaashi eendjabameva odi hole okuenda oufiku. – fhamalwa@nepc.com.na