Ominista yuuhaku Kalumbi Shangula mOsoondaha okwa li a popi kutya moNamibia ngashiingeyi omwa kwatwa aantu 70 komukithi gwocoronavirus. Ominista oya ti mokati kaantu mboka 70, 43 oya za koWalvis Bay, 12 okoSwakopmund, 13 omoWindhoek, gumwe okwa za kEngela nagumwe okwa za koLuderitz, ta gwedha ko kutya 40 aalumentu, no30 aakiintu. Ta ti oye li pokati koomvula yimwe sigo 58.
“Sho pwe ya omilandu omipe, otu wete aantu oyendji taya aluka, ope na aantu 16 ya aluka omasiku ngaka noya langekwa,” Shangula ta ti ngaaka.
Ta ti mwaamboka ya aluka, omugoyi oya za moWalvis Bay nayaheyali oyo moWindhoek. -Nampa