Omusamane gwomukwakuluntu ngoka a li ta kambadhala okukeelela aamati ya li taya kondjo, okwa si sho a li a tsuwa nombele.
Sha ikolela kepeko lyopolisi lyiiningwanima yehuuliloshiwike, oshiningwanima shoka osha holoka lwopotundi 18h00 mondoolopa Leonardville.
Otaku hokololwa kutya omulumentu gumwe gwomimvo 33 nagumwe gwomimvo dhopokati okwa li taya kondjo, sho omusamane ngoka gwomimvo 58 a li a kondjitha oku ya kutha kumwe, ihe okwa li a huulile muunyengwi.
Opolisi oya ti, omusamane okwa li e ya thigi po, nokonima okwa li a landulwa komufekelwa, ngoka a li e mu tsu mepepe lyokokulyo.
Otaku hokololwa kutya omufekelwa okwa li a hala okutsikila okutsa nakusa, ihe okwa kwatwa kwaamboka ya li po.
Tayi ti, okwa li a ende ashike oomita tadhi tengenekwa dha thika po50, nokwa li i ihata po, nokusa ethimbo olyo tuu ndyoka.
Nakusa okwa tseyika nendhina Fritz Neuro. Aakwanezimo oya tseyithilwa.
Nakufekelwa okwa li a matuka po, ihe okwa li a mangwa esiku olyo tuu ndyoka.
Moshiningwanima inaashi faathana, omunaminvo 55 okwa si eso lyombaadhilila sho kwa li i ihata po, ihe ka kwali a penduka we.
Opolisi oya ti, oshingwana osha holoka momudhingoloko Otjikoto Lake moshitopolwa shaShikoto.
Otaku hokololwa kutya Goriseb Jan okwa li a nyenyeta nomukwanezimo gwe gumwe, ngoka taku hokololwa kutya okwa li e li kohi
yomalovu.
Tayi ti, pethimbo kwa li taya nyenyeta, omukwanezimo ngoka okwa li a tuku Jan nayina, shoka anuwa kwa li she mu geyitha sigo i ihata po.
Otaku hokololwa kutya sho kwa li a falwa koshipangelo, aakwanezimo oya tseyithilwa kutya okwa hulitha.
Opolisi oya tseyitha kutya Jan okwa li e na omukithi gosuuka oshowo ombinzi ya londa.
– vkaapanda@nepc.com.na