Omukulupe weedula 88 Gustav Willem okwa anyenwa e lifutile mo modolongo konima eshi a holoka momhangu yaNdangwa Etivali.
Willem ota pangulilwa o s h i b o f a s h e d i p a o n e k w a t o n g h o n g a konima eshi vati kwa li a kwata nokudipaa okaana keedula nhatu oshivike sha dja ko momukunda Okahanya moshitukulwa shaShikoto.
Oshibofa shaye osha undulilwa komafiku 03 Apiilili 2023 omanga taku ningwa omakonakono e lixwapo.
Mengestalata okwa ti itashi ulike efano liwa moshiwana ngeenge okwa yandje omhito yokulifutila mo modolongo komulupe ou.
Omupopiliko wopolifi moshikoto Inspector Ellen Nehale okwa hokolola ta ti ounona vatatu mwa kwatelwa nakuninga oshihakanwa, okaana keedula mbali nakakwao keedula heyali okwa li va ka teka omeva poushiinda.
Vati omufekelwa okwa ifana okaana oko monduda yaye ndele te ka kwata keenghono.
Opolifi oya hokolola tai ti okaana kamwe oka uda monduda tamu kwena nokonima omufekelwa okwa patulula po. Okaana oka dja mo monduda, nopefimbo opo vati kaka li taka dulu okweenda eshi ve li mondjila va uka keumbo. Oka twalwa ngeno koshipangelo ashike oka xulifila mondjila. Eshi a kwatafana naKundana minista woukashikekookanhu nonghalo nawa yokaana Doreen Sioka okwa ti ovalumenhu tava ningile ovakainhu nounona ominyonena dopaixulo ova pumbwa okupewa ehandukilo lopaveta op ova ninge oshihopaenenwa sha vakwao.
Okwa ti ovalumenhu otava longo oilonga tai fifa ohoni eshi hava kala tava i moixulo nounona ve na eedula inadi fika.
Okwa ti kape na omulumenhu e na oufemba wokukala a ya moixulo nounona vashona onghee kukeshe ou te shi ningi ota kala a kwatwa po diva.
Okwa kumaida ovadali opo va xulife po okukala tava efa ovalumenhu tava i moixulo nounona wavo shaashi eshi oshi li omahepeko omomaumbo.