Omukulupe weedula 60 vati okwe limangeleka konima eshi vati a dipaa okumainhu waye weedula 44.
Oshiningwanima osha ningwa mexuliloshivike kolukanda Vunguvungu mOkahao efimbo loufiku.
Oonakufya ovo Joseph Iipinge Amalenge nomukainhu waye Anna Tulimekondjo.
Omupopiliko wopolifi moshitukulwa shaMusati Inspekta Anna Kunga okwa hokolola ta ti olutu lomukainhu ou ole lituwa konima yobashu kumushiinda shaye.
Tulimekondjo okwe lituwa e li mekungu lohonde, notaku fekelwa kutya okwa tuwa nombele.
opo eshi ovakwashiwana eshi va ya mobashu yavo omushamane naye okwa hangika e li meemhango a xulifa.
Oshiningwanima shikwao, omulumenhu weedula 39 omukeleli womaliko okwe lituwa metale lomeva modoolopa yEenhana efimbo lokomatango mexuliloshivike.
Nakufya okwa tongololwa oye Kristian Kwedhi ha longele ehangano loNahole Security cc.
Omupopiliko wopolifi moshitukulwa shaHangwena Warrant Andreas Nghiyolwa okwa hokolola ta ti fiyo opapa kape na ouyelele kutya omolwashike omulumenhu ou e liku pula metale.
Omakonakono opolifi otaa twikile.