Omukulupe gwomimvo 102 okwa si sho api komulilo komutse, kombunda nokokwaako shi nyanyaleka momukunnda Onaizimba oshiwike sha zi ko.
Omukuluntu gwopolisi moshitopolwa shaMusati Titus Shikongo okwa ti, oshiningwanima shoka osha holoka ethimbo lyomutenya nonando otundi inayi konekwa nawa, momudhingoloko gwaKalongo moshitopolwa shaMusati.
“Otaku hokololwa kutya omulilo ngoka otagu tengenekwa gwa zi ke kala ndyoka kwali alongitha okutema ombiga ye yomakaya, etagu kwata etalashe lyokulala,” Shikongo ta ti ngaaka.
Ta ti, pethimbo lyoshiningwanima shoka shinyanyaleka sha holoka, omukiintu gwomimvo dho pokati ha zi nomukulupe, okwa li a za mo megumbo a ka landitha uukwashike pendjewo kosikola yedhina Oshaaluwata combined.
Shikongo ta hokolola kutya omukulupe ngoka kali mo mondunda sho ya kwata omulilo, ihe okwa pi sho a li ayi momundunda yomwiidhi, moka ta mu pi, anuwa aka kuthemo iinima ye kaayipilemo.
“Ngeno ka kwa li a yamo mondunda, ngeno inapya komulilo, oshoka ethimbo omulilo gwa tameke okufika, omukulupe ka li mo mondunda,” Shikongo a popi ngaaka
Otaku hokololwa kutya okwa li afalwa koshipangelo, hoka aka hulithila.
Okwa tseyika nedhina Amaria Ndiwampungu Mushihanga, a yambukile momukunda omo tuu moka mwaningilwa oshingwanima.
Oshingwanima shimwe natango inaashi fathana, okanona komimvo mbali oka si sho ka gwile mokadhiya Omaandaha gazi ko momukunda Onaizimba moshitopolwa shaMusati
Shikongo okwa koleke oshiningwa nima shika sha holoka potundi 09h00 yongula momudhingoloko gwaKalongo.
“Otaku hokololwa kutya okanona hoka okwa li taka dhana pamwe nayakwawo yethike puye yeli yaali, sho kwali ya thigwa nayinakulu gwomimvo 90 megumbo oyo awike,” Shikongo ta ti.
Ta ti, uunona mboka okwa li wa iyakamo megumbo, wa kadhana pooha dho kadhiya ke li popepi negumbo lya wo.
Shikongo ta ti, okanona hoka oka li ka gwile mokadhiya moka, omanga uunona uukwa wo wa kala tawu umbu momeya nomamanya wu tale ngele taga lukamo.
Ta ti, uunona mboka owa li we shilombwele omuntu gumwe ngoka a li ta ende po, eta katseyithila aakwanezimo. Olutu okwa li lwa kongwamo kaakwashigwana.
Moshiningwanima inaashifathana, omunamimvo 33 okwatindilwa eyifutilemo mompangulilo yaShakati, sho aniwa akwata okanono komivo 12 koonkondo Etitano lya zi ko.
Shikongo okwa ti, oshiningwanima osha holoka lwopotundi 16h00 yomutenya momukunda Onoolongo mOshikuku moshitoolwa shaMusati.
“Otaku hokolwa kutya omulumentu ngoka okwa li a dha okanona hoka oko awike megumbo keli kelugo, eteka hula ombulukweya ka li ka zala koonkondo. Okanona oka li ka mono ompito yoku tondokapo, etaka tidha sigo omepya moka eka kwatele natango, ete ka kwata koondondo, “ Shikongo a hokolola.