Brice Nguema, omuleli gwepangelo lya yi koshipundi koonkondo moGabon, ota ganithilwa miilonga ongapresidente gwaGabon. General Nguema oshiwike sha zi ko okwa li a kwatele komeho okuu ndjoka yi li ompinge naAli Bongo, ya li ya umbu ko omupresidente ngoka koshipundi konima ashike yokathimbo sho a li a tseyithwa kutya ouye a sindana omahogololo gopaupresidente. Ondjayi ndjoka ye mu umbu ko koshipundi oya li yin a aayambidhidhi oyendji, moka oyendji ya li ya holoka pelangeko lye.
Ashike nando ongawo, open a eikwatopomutima kutya okulela kwaGeneral Nguema otaku ka kala owala etsikilathano lyuuleli wuukayamukulwa wooBongo woomvula 55 dha piti. He ya Ali Bongo, Omar, okwa kala koshipundi uule woomvula 41 nokwa hulitha momumvo 2009, nokwa li a pingenwa po komwanamati nguka. Ondjayi ndjika oya kala uule nethimbo tayi longele pamwe nooBongo, taku finywaafinywa nokuli kutya yo naAli Bongo aamwayinagona. Aatseyinawa yiikwapolitika oya londodha wo kutya open a ompito etranga lyegameno lyi kale inaali shunitha oonkondo kepangelo lyopashigwana.
Aagamimbinga kelelo lyetanga lyegameno oya li ya tegelelwa ya holoke pelangeko lyOmomaandaha, muuninginino nomondingandinga yAfrica omwa ningi oomwedhi mu na ombepo yukuumba ko omapangelo kiipundi. Gabon osho oshilongo oshitihamano sha yi kohi yelelo lyomilitali mule woomvula ndatu, sho omukolonyeki omukulu France ta longo ta shongola opo a nwethe mo Aa-africa. Gabon okwa tulwa pevi mekuthombinga lyiinyangadhalwa yongongahangano yaAfrica konima yokuu ndjika, ndjoka wo ya yembwa kIigwanahangano osho woFrance.