Opolifi moshitukulwa Oshana oya kwata po omulumenhu weedula 34 eshi a tula omunangeshefa mokatoo, konima eshi e mu tumina eembapila domafutilo doipupulu.
Opolifi oya hokolola tai ti omufekelwa okwa tumina eembapila doipupulu kongeshefa kedina Banchmus Oli hai landifa oilongifo yeetuwa. Eshi vati okwe shi ninga oshivike sha djako.
Omufekelwa vati okwa lombwela mwene wongeshefa kutya okwa hala okulanda oitenda yeetuwa, neendoloma dina omahooli okukosha komutwe weetuwa ashike okwa ti oshimaliwa ote shi tumu komavalulilo ombaanga yongeshefa.
Omufekelwa okwa kengelela mwene wongeshefa ndele temu tumine eembapila doipupulu tadi u like kutya oshamaliwa osha futwa nale, ashike mboli ina shi futwa. Vati okudja opo mwene wongeshefa okwa yandja oilongoma yaye ngaashi a pulwa. Eshi omufekelwa a pewa oilongomwa vati okwa tameka ta landifa kovapangeli veetuwa. Omunangeshefa umwe ha pangele eetuwa pongalashe yaye ili pOhakweenyanga okwa landa eendoloma nhatu koN$10 000. Mwene wongeshefa oku kwa landwa oilongifo eshi a dimbulula oulunga ou, okwa lopotela opolifi, noku patulula oshimbofa.
Manga ta hokololele ovapolifi, okwa kadja omunangeshefa hala ndifa omalola eetuwa naye eu ya okupatulula oshimbofa shili kombinga yovalumenhu e va kwata kongeshefa yaye eshi kwali tava kendambala oku mu kengelela.
Opolifi oya ya meendelelo konhele oku kuna ovafekelwa oko va hanga omufekelwa umwe. Vakwao ova faduka po. Oinima aishe ya kwatwa po oili pongushu yoshimaliwa shoN$80,834 ashike oinima imwe ina i moika natango.
Omakonakono opolifi otaa twikile