Omulumenhu weedula 40 okwa tambulilwa moshipangelo shaNandjokwe konima eshi a dengwa nomupini komutwe kukaume kaye.
Oshiningwanima osha ningwa Omaandaxa kolukanda Outala modoolopa yaNdangwa efimbo loufiku.
Omupopiliko wopolifi moshitukulwa shaShana Chief Inspector Thomas Aiyambo okwa hokolola ta ti nakuninga oshihakanwa okwa li tava tanguna nomufekelwa.
Otaku hokololwa kutya omufekelwa okwa kufa omupini ndele te mu monifa oshiponga komutwe.
Nakuninga oshihakanwa oku li monghalo i li xwepo.
Omufekelwa okwa kwatwa po nota pangulilwa oshibofa shonghendabala yedipao.
Opolifi oya kumaida oshiwana opo shiha tangune ngeenge shi li peendingosho ile ngeenge omunhu a nwa omalodu shaashi otashi dulu okueta oshiponga.
Oshiwana osha kumaidwa opo shiha umbate oilwifo ngeenge tashi yi keendingosho.