Opolifi moshitukulwa shaMusati otai konakona oshibofa shomulumenhu weedula 44 ou taku fekelwa kutya okwa kwata ounona vavali voutekulu onghonga.
Oshiningwanima osha ningwa meumbo lavo oshivike sha dja ko komukunda Onamhidi moshikandjohoololo Etayi.
Oonakuninga oshihakanwa aveshe ove na eedula 10 nohava di meumbo limwe nomufekelwa.
Omukulunhu koshikondo shokukonakona oimbuluma mOmusati omupedukomufala Moses Simaho okwa hokolola ta ti omufekelwa okwa ufana ounona monduda yaye yokunangala noku va longela omunyonena wopaixulo.
Opolifi oya hokolola tai ti ounona ova lopotela inakulu mongula eshi kwa sha kutya ova kwatwa onghonga kuxekulu.
Omu f e k e lwa ok w a kwatwa po nota pangulilwa oshibofa shekwatonghonga. Opolifi onghee nga tai twikile nokukumaida ovadali opo vaha fiye vali ounona voukadona meumbo nova lumenhu molwaashi okwa didilikwa ounona va ninga oihakanwa yokukwatwa onghonga kovanyeumbo vovapambele vavo. Ovadali otava kumaidwa yoo vali opo va kale tava ningile ounona omapulapulo ngeenge ohava longelwa omunyonena wopaixulo kovalumenhu.
Oshiwana otashi kumaidwa opo alushe shi lopotele opolifi oibofa yekwatonghonga pefimbo noshoyo okuxulifa po okuamena ovalumenhu ovapambele vavo ngeenge tava tamanekwa ekwatonghonga lounona.
O s h i n i n g w a n i m a s h ikwao, omulumenhu weedula 32 okwa tambulilwa moshipangelo konima eshi vati a dengwa noshitenda komutwe nomoshipala.
Oshiningwanima eshi osha ningilwa keendingosho Onh i mbu mo d o o l op a Outapi Omaandaxa efimbo lokonguloshi. Opolifi oya hokolola tai ti oshiningwanima osha ningwa pefimbo okwa li nakuninga oshihakanwa ta tanguna nomufekelwa.
Omufekelwa okwa faduka po konima eshi a longa oshimbuluma nomakonakono opolifi otaa twikile. Opolifi oya kumaida oshiwana opo shi xulifepo okutwaalela oilwifo ngeenge shi li keendingosho molwaashi osha nyika oshiponga ngeenge omunhu a kolwa.
fhamalwa@nepc.com.na