Omukainhu weedula 28 okwa xulifila moshiponga shotuwa konima motuwa omu kwa li a londa vati tai shingwa komulumenhu e li koshi yomalodu.
Opolifi oya ti omushingi wotuwa weedula 30 okwa mona oshiponga nokuli moshipangelo Medi Park moSwakopmund ta mono epango lopaunamiti.
Oshiningwanima eshi osha ningilwa mondjila pokati koWalvis Bay noSwakopomund Olomakaya efimbo lokomatango lwopotundi 16h30.
Nakufya okwa tongolwa oye Emily Handjamba novakwapata vaye ova shivifilwa efyo laye.
Omupopiliko wopolifi moshitukulwa Erongo Inspector Ileni Shapumba okwa koleka oshiningwanima eshi, nokwa hokolola ta ti omushingi wotuwa kwa nyengwa okukonakono otuwa onghee naashi eta opo otuwa i kale ya halangata ndele tai li denge po. Handjamba okwa li a twalwa koshipangelo shaSwakopmund ashike okwa fika ko a xulifa nale.
Opolifi oya kunghilila oshiwana opo shi xulife po okushinga shakolwa shaashi osha nyika oshiponga ngeenge omunhu tashi a kolwa onghee eshi otashi dulu okueta oshiponga ile e kanifo leemwenyo dovanhu.
Opolifi oya weda po tai ti ovatwalelwa navo va kale va kotoka va ende vali meetuwa dovanhu va kolwa ile va kale tava lopotele polifi kombinga yovanhu ngeenge tava shingi a kolwa. – fhamalwa@nepc.com.na