Omulumentu gwomimvo 50 ngoka anuwa a kwata okanona ke komimvo ntano koonkondo okwa holoka mompangulilo yamangestalata gwaNdangwa ohela.
Sha ikolela komugandji gomauyelele gopolisi moshitopolwa shaShikoto Ellen Shikole, oshiningwanima shoka osha holoka Osoondaha momukunda Iinongo, momundhingoloko gwaNiipa.
Otaku hokololwa kutya okanona hoka okali ka tsuwa nominwe pokati komagulu kuhe, ethimbo yina ali ayi kiilonga. Ta ku ti, okanona hoka okwali ka ndhimbululwa kuyi sho a galuka kiilonga. Opolisi oya hokolola kutya yina okwali a mono omona ta ende nuudhigu, ta shongola.
Sho anuwa okanona kali ka pulwa kutya ota ehema koshike, okanona okali ka popi kutya oka tsuwa nomunwe kuhe, pethimbo yali megumbo oyiike.
Yina yokanona okwali a lopotele opolisi mbala nahe yokanona okwali a mangwa po kopolisi.
Omakwatokonkonga oga ningi okayimbilo ka kehe esiku. Taga ningilwa unene aanona ashona momagumbo oshowo aanyasha Omumvo gwayi omwa potwa omakwatokoonkondo ga pita 500.
Aakuluntu yeli 256 oya kwatwa koonkondo moka aalumentu yeli 18 omanga aakiintu yeli 238.
Ya gwedhapo kutya aanona yeli kohi yomivo, yeli yatano aalumentu naakiintu yeli 240 oya kwatwa koonkondo omvo gwayi, okuza mu Januali sigo oJuni.
Omakwato koonkondo ngoka okwali ga holoka ashike moomwendhi omulongo, ashike natango okwa ka holoka ogendji konima.
Omugandji gomauyelele mUuministeli wokakwashike kookantu Lukas Haufiku okwa fa tulula kutya omakwatokoonkondo ohaga holoka nomatompelo gayooloka, sha ikolela kwaamboka haya longo iilonga mbyoka yinyanyalaleka, shoka sha kwatela mo ongeyo, oonkondo oshowo mboka yuuvite taya vulu okulongela aantu shoka ya hala. Ta ti, shoka otashi vulu okushonopala nenge okuhula po uuna oshigwana tashi tsikile okulongwa noku fatululilwa kombinga yuuthemba wa wo, noku tseya shoka yena okuninga uuna ya longelwa omiyonena ndholundhi ndoka. “Oshigwana nashi holole omakwatokoonkondo oshinima kaashili mondjila pomahala agehe kutya okiilonga nenge omomagumbo,” ta fatulula ngaaka.
Oshigwana nashi hulithe po okutala ko omakwato koonkondo onga oshinima osho shina okukala, oshowo okugandja oombendhi kwaamboka ya ningi lwa omiyonena.
vkaapanda@nepc.com.na