Oshikondo shomavyulonghalo needolongo osha patulila oshibofa umwe womovanambelewa kendiki lokOluno molwaasho vati a kwatwa ta vake oshingulu koshuunda shodolongo.

Oshiningwanima osha ningwa Omaandaxa mevyulonghalo laLuno mOndangwa. 

Otaku hokololwa omunambelewa ta longele kendiki levyulonghalo kOluno ta ningilwa omakonakono omo taku fekelwa kutya okwa vaka oshingulu koshuunda ndele te shi tula moshako. 

Kevyulonghalo laLuno oku na oingulu tai tekulwa nelalakano okulonga oikulya yovanadolongo.

Oingulu imwe ohai landifwa po kovakwashiwana opo oshimaliwa shi longifwe okulanda oipumbiwa yokevyulonghalo.

Omukulunhu koshikondo sheedolongo Commissioner General Raphael Hamunyela okwa koleka oshiningwanima eshi. 

Otaku hokololwa omulumenhu ou vati okwa ninga onghendabala yokuvaka oshingulu koshuunda ndele ta ufana otaksi.

Oshingulu okwa li te shi vakale omukwashiwana ou e mu pa oshimaliwa.

Vati otaksi oya ya meni mevyulonghalo ndele ta londeke mo oshingulu.

Omulumenhu ou vati mboli oshimaliwa shovanhu okwe shi nyona po.

Oshingulu osha ka monika komuvelo kovanambelewa vakwao.

Omufekelwa eshi a pulwa kutya oshingulu okwe shi hanga peni okwa dopa okuyandja omikanda nouyelele wa yela.

Hamunyela okwa ti itashi ulike efano liwa ngeenge ovanambelewa tava longo oimbuluma.

Oshingulu osha shunifwa koshuunda.

-fhamalwa@nepc.com.na