Paulina Ndalikokule
NKURENKURU – Omunangeshefa omundokotola Kleopas Henock mwene goshipangelo shopaumwene shedhina Nkurenkuru Private Hospital okwa uvaneke oku yambidhidha aanyasha omulongo oku yapa oshimaliwa inashi konda poN$1000 kehe oku tota uungeshefa uushona.
Henock okwa popi ndhoka pethimbo a li tagandja oshipopiwa she kombinga yankene oongeshefa dhasimana pepatululo lyopambelewa lyoshinyangadhalwa shomithigululwakalo sho shiputudhilo shoIUM mEtitatu moNkurenkuru shoka shili metifa sigo mo 31 August 2024.
Ta ti aanyasha ota ya kapewa oshimaliwa shoka onga omukuli ngoka taya ka shunitha uuna ya enditha nawa oongeshefa dhawo.
“Maanyasha mboka omulongo ota tuka hogolola mo yatatu mboka yeshi enditha nawa moka tamukaza omusindani dhingi ngoka taka pewa omayambidhidho gagwedhwapo,” a ti ngaaka.
Oshigwana otashi indilwa oku shanga omathaneko guungeshefa dhawo nokudhi fala poshipangelo she osho tuu poIUM mondoolopa moka.
Omundokotola okwa ti osha simana okuyambidhidha aanyasha unene mboka yena uungeshefa uushona oshoka oko haku tamekelwa.
Ta hokolola nkene a kala nohokwe yongeshefa okuza kuushona we sho a kala nokupingakanitha osho wo oku landitha konyala kehe shimwe nonando iilongele uundohotola wuunamiti.
Omukuluntuwiliki gopokadhimbo goIUM mondoolopa Nkurenkuru Victoria Hakanime okwa ti oku konga uunongo komithigululwakalo ota kudhana onkandangala onene oku eta aanasikola osho aantu yomoshilongo pamwe.
“Oku tseya omithigululwakalo dhayooloka otaku tulongo nkene tuna oku kaladhana nooyakwetu moshigwana, notatu shiningi ngele ita tu dhini omithigululwakalo dhayakwetu molwa twalako omithigululwakalo dhetu dhasimana dhivule dhilwe,” ta ti ngaaka.
Omukuntuwiliki gwaalongwa moshiputudhilo shoka Leon Madonsa moshipopiwa she okwa ti omithigululwakalo odho omutima goshigwana oshoka ohadhi mangle kumwe aantu okutseya mpoka yaza naahoka yuuka.
“Sho tatu ka ulika uunkulungu womithigululwakalo okupitila miidhano, iikulya, iikunwa, osho woo ongalo naayihe mboka yonakuziiwa yonale natusteye kutya omithigululwakalo odho dhe tu eta pethimbo lyo ngashingeyi,” Modonsa a ti.
Nuumvo oshiimdingili shomithigululwakalo otashi dhanenwa kohi totema ‘Iiningwamima yonale netambuleko lyomithigululwakolo dhayooloka.
*Paulina Ndalikokule omulekapeki gomauyelele nuuministeli womauyelele nomakwatathano gopaungomba mombelewa yomoshitopolwa Kavango West.