Ehangano loGovernment Institutions Pension Fund (GIPF), olo li na oshinakuwanifa shokutuvikila omingome dovakulupe, ola yelifa kutya otali ka weda ko eepelesenda nhano, komungome wovakulupe ava ve li moipundi yetulumuko, va fiya po oilonga yavo yepangelo. Nonande ovakulupe ava hava pewa omungome wavo keshe omwedi, ehangano oli udite kutya koimaliwa yavo hava pewako unene ishona, do eemhumwe donghalamwenyo oda ninga dihapu. 

Omululunhu wo GIPF Martin Inkumbi okwa ti ewedelo eli ota li kaya moilonga okudja mo 1 April, no tali ka kapangela ku keshe umwe, kutya nee ounona ile ovakulunhu hava mono oshimaliwa komwedi. “Shimha ashike omunhu ha mono ofilinga keshe komwedi okudilila ko-GIPF, ngaho moshivalo shokuwedelwa oshimaliwa shaye eshi ha mono keshe komwedi okwa kwatelwa mo,” ta ti. Inkumbi okwa ti ediladilo eli ola unguangwa nalo okudja koilyo yakula yo Board of Trustees, konima eshi ya didilika oinima yaninga ondilo oyo ya kwata oinima ihapu moshipala. “Ondilo ei tai popiwa apa oinima ya ya pombada neepelesenda di li nhee unene meefitola, nongeenge ovakulupe, na keshe ou hapewa oshimaliwa eshi komwedi ova kala hava pewa shishona, ovena oku kala tava xupu noudjuu, manga vena oimaliwa yavo yambaangwa ko GIPF,” ta yelifa.

Oimaliwa ei natango otai yandjwa opo ovakulupe va dule oku li kwafa oku landa omahooli, oikulya, omalusheno nokufuta oinima yavo apa naapenya. 

“Oimaliwa ei oha tu i tuvikile ikwa fe ovakulupe momikalo di hapu unene ngeenge vai moipundi yavo yetulumuko shaashi ihava mono vali oimaliwa ihapu ngaashi va ikile,” ta ti. Okudja Desemba wo 2025, ehangano ola li lina ovanhu vafika po 57,314, hava futwa keshe omwedi oimaliwa yavo eshi veli moipundi yetulumuko. Inkumbi okwa ti komwedi ohava futu eemiliona N$337 omanga kodula hava futu eemiliona N$4. Omukulunhu wo GIPF okwa ti ehangano lavo ota li twikile nokufya oshisho kutya ola tula eemhumbwe deecustoma davo komesho oshoyo moilonga, no ita veva tula monghalo tai va etele omalipulo a piyaana, ile oudjuu woshimaliwa. 

-taimihaihambo2000@gmail.com