WINDHOEK Omupresi-dende Hifikepunye Pohamba okwa ningi iigongi pamwe noongundu dhompilameno oshiwike shika okukundathana kombinga yonkalo yepato lyoombashu ndjoka tayi inyenge moshilongo pethimbo ndika. Mokutaamba ko oon-gundu dhopolitika mbali ndjoka yoCongress of Democrats (CoD) noDTA, dhoka dhi li ongundu yotango tayi kuutumba nOmupresidende Pohamba okupopya kombinga yesimano lyekwatelomo lyaa-wiliki ayehe uuna oshilongo sha taalelwa komukundu gwontumba. Omupresiende okwa ti: “Shampa omukundu gwe tu taalela ongoshilongo, otu na okukundathana ongaawiliki nokukambadhala okutala nkene onkalo tayi vulu okuun-gaungwa nayo.” Omupresidende goDTA, Katuutire Kaura okwa kun-daneke oNampa konima yoon-kundathana kutya Omupre-sidende okwe shi ulike kutya onkalo oya nika oveta, oshoka Oveta yIikolitha oya pitithilwe mOparliamende momumvo 1998. Ota ti Omupresidende okwa ti itaya vulu okuninga po sha kombinga yomaindilo gooyene yoombashu sigo Oparliamende ya ninga po sha kombinga yOveta, naashika osha pumb-wa eyambidhidho lyetu. Omupresidende goDTA okwa holola elimbililo lye kombinga yOveta yonga-shingeyi yi nasha nomalovu, ta ti ope na uutendo wumwe mOveta mboka itau vulu okugwanithwa po nuupu. “Iinima mbika ongaashi kutya oombashu adhihe odhi na okukala nuundjugo uyali, ta pula kutya shika otashi ka vulika ngiini kooyene yoom-bashu mboka ye li miitopolwa moka kamu na ominino dhomeya gonyata oshowo omeya goyene? Oveta ndjika otayi opalele unene miitopolwa yomoondoolopa. Ta ti otashi vulika iilyo yoparliamende kwa li inayi tala po nawa sho oveta ndjoka ya pitithwa. Kaura okwa li e na okutsakanena nomunashipundi gwOmu-tumba gOpashigwana, Theo-Ben Gurirab okukundathana kombinga yOveta yOmalovu ndjoka yomumvo 1998, opo mu ningwe omalunduluko gwontumba. Kuyele omwedhi nguka pomutumba gwiikundaneki, omupresidende goCoD, Ben Uulenga okwa ningile eindilo epangelo li gandje oomvula mbali kopolisi opo yi tule miilonga oveta yomalovu, okukatukila oonkatu ooyene yoondingosho. Oshowo elun-dululo li ningwe mOveta ndjo-ka yomumvo 1998. Eindilo lyomuwiliki goCoD, Uulenga okwe li ningi konima sho omukundu goombashu gwa tamekele omwedhi gwa zi ko, sho opolisi ya pata oondingo-sho koonkondo miitopolwa yimwe moshilongo nonkam-badhala aniwa okutula mii-longa Oveta yOmalovu, ndjoka tayi pula ooyene yoondunda dhomalovu ya kale noolisinisa. Oshikumungu shika osha etitha omahololomadhiladhilo kooyene yoondingosho naa-landithi yawo nokuholola eiyuvonayi lyawo oshowo oku-gandja omukanda gwenyen-yeto kOmupresidende Pohamba. Uulenga oku li ompinge noonkatu dhopolisi, ta ti epangelo olya lima onkudhu oshinima shoombashu, oshoka olya kutukila aakwashigwana oyendji oonkatu omanga ooministeli naanambelewa aanene mepangelo oya ende-lela unene okutula miilonga oveta ndjoka. Uulenga okwa lombwele aakundaneki kutya ope na uutendo wumwe mOveta yOmalovu mboka wu li ashike muuwanawa waayamba, na itau vulu okugwanithwa po kAanamibia yowala pakutala komithika dhawo dhemona pethimbo ndika. Kakele, omuleli goCoD ota ti nonando emona lyuumbashu halyo unene ewanawa kuNamibia, oshikondo shika osha kuta miilonga aantu omayovi, nohashi eta omboloto momagumbo ogendji. Etulomiilonga lyohaluka lyOveta yOmalovu oomvula hetatu konima sho ya pitithwa oshowo epashulo lyoshigwana kombinga yoveta inali ihwapo otashi etitha omaipulo ogendji, Uulenga ta ti. Pokati mpoka, ooyene yoombashu omathele oya ningile ehololomadhiladhilo mOvenduka noye li ngashin-geyi ya yunga oontanda dhawo popepi nomatungo gOparlia-mende ya tegelela eyamukulo, noya uvaneke okukala mpoka sigo taya pewa eyamukulo ndyoka tali ya opalele – ano li li muuwanawa woongeshefa dhawo. Oshifo shika ohela osha kundaneke kutya ooyene yoombashu mboka ya yunga ontanda mOvenduka oya tilitha aniwa okuninga ehololomad-hiladhilo ye li omalutu gowala yuuka kEgumbo lyEpangelo. Omupresidende goNASA, ehangano lyooyene yoomba-shu otali ti otashi vulika ooyene yoondingosho oyendji ya ka ze kiitopolwa yayooloka ye ye okuninga ehololomadhiladhilo nokuyunga ontanda pamwe naamboka ye li popepi nOpar-liamende.