Taimi Haihambo 

Omulumenhu oo e li omufekelwa paife weedula nedina inali tumbulwa, okwa lopotwa mepeko lopolifi a tulwa moipandeko, vati a lyata xekulu kOkongo moshitukulwa shaHangwena Olomakaya. 

Nakufya vati oHaindongo Nghidipohamba Kautwima, nokwa lopotwa vati e na ounghundi wopomadiladilo kopolifi. Kautwima vati okwa hangika ta tauluka opate, eshi a pumwa komutekulu ndele ta xulifile poshiningwanima. 

Opolifi vati oya hanga omufekelwa e li koshi yodungo ye vati ke na ombapila yokushinga. 

Omufekelwa natango vati okwa hangikwa a humbata omutwaalelwa motuwa yaye. 

Omupopiliko wopolifi moNamibia Kauna Shikwambi okwa ti omufaalelwa aveshe nomushingi ova ehama komalutu okudja moshiponga, nova pewa omakwafo opaunamiti koshipangelo shEenhana. 

“Konima aveshe ova ka lekelwa mo moshipangelo, nomufekelwa okwa tulwa moipandeko, omo a holoka kohofa Omaandaxa,” Shikwambi ta ti. 

Ovapembele ova shivifilwa, nomakonakono opolifi otaa twikile. 

-taimihaihambo2000@gmail.com