ONHUNO- Ondjabi yomupolifi Sergeant Dimbulukeveni Namhila weedula 43 ou vati a dipaa omushingi wololi oya kalekwa manga okundja omwedi Mei shaashi ihai ko vali koilonga. Edi oda kolekwa komupopiliko wopolifi omupedu komufala Kauna Shikwambi onghela. Shikwambi okwa ti okudja omafiku 12 Mei Namhila okwa kufwa moilonga pefimbo sha landula eshi a kwatwa po. 

Namhila oku li modolongo noshibofa shaye osha undulilwa komafiku 23 Juli. Opolifi oye li pyakadila nokuninga omakonakono kombinga yoshikumungu eshi. Namhila vati okwa yasha Eliud Hamukwa (38) ou e li omushingi wololi. 

Oshiningwanima osha ningwa omwedi Mei keinda lopolifi kOnhuno moshitukulwa shaHangwena efimbo loufiku. Hamukwa okwa xulifila koshipundi yokomesho mololi konima eshi vati aumbwa eeholo lwoikando ya yooloka. Omwedi wa djako ovakwapata vaHamukwa okwa li va ngudumana momwaalu muhapu komhangu yamengestalata waHangwena ve li momunyano wopambili tava pula opo Namhila aha pewa omhito yokulifutila mo modolongo. Ovakwapata ova pula epangelo opo omakonakono a ningwe pauyuuki pehe na ouyelele tau holekwa. Ova hokolola tava ti Hamukwa okwa dipawa ehe na eshi a ninga molwashi okwa hangika e li ashike omutumba mololi. 

Ovati kutya fiyo opapa ina va lombwelwa etomenho kutya molwashike Hamukwa a dipawa. fhamalwa@nepc.com.na