Auleria Wakudumo 

Omutonateli womaliko ha longele ehangano loFalcon Security okwa tulwa moipandeko mEtitano eshi a faduka po noimaliwa i fike poN$47 244. Oshiningwanima osha ningilwa pongeshefa yoCape Agri ya taalelafana noservice yaMbulu mOshakati lwopotundi 17h00 lwaapo. 

Oshiningwanima osha kolekwa komukonakoni woimbuluma mOshana, Omupedu Komufala Frederick Ndjandila. 

Ndjandila okwa ti omanga vati ovanailonga vavali tava valula oimaliwa monduda yokupungula, omutonateli womaliko oo a tulwa a longele ponhele opo okwa nyekula ko oimaliwa ndele ta patele mo ovanailonga meni nokufaduka po. 

Konima eshi a faduka po vati mwene wofitola okwa kendabala okumutaataa ashike ina pondola okumukwata. 

Okwa ka kwatwa kopolifi a hangika konduda yaye molukanda mOshakati noimaliwa ei holeka nale keenduda dookaume vaye. 

Oimaliwa N$34 180 oya hangika konduda yofelende yaye molukanda Oshikango mOshakati. Ikwao ya xupako oya hangwa vali konduda yafelende waye umwe. Oimaliwa aishe oya monikwa nookaume kaye vavali ova tulwa moipandeko. -wakudumoaeria@gmail.com 

Omukonakoni woimbuluma mOshana, Omupedu Komufala Frederick Ndjandila.

Efano: Festus Hamalwa