Omunambelewawiliki wodoolopa yEenhana Gabriel Benjamin okwa ti omakonakono kombinga yoshikumungu eshi a kufwa moilonga pakafimbo okwa tameka nale okuningwa.

“Ohandi ka pwilikina natango komakonakono momafiku 12 omwedi ou,” ta ti.

Gabriel okwa kufwa moilonga pokafimbo omudo wa dja ko omwedi Juli ashike elelo lodoolopa ola kala nokuwedela omafiku komesho.

Paife ngaha Benjamin okwa ninga eemwedi hetatu a kufwa moilonga pokafimbo.

Benjamin okwa ti oha pewa omauwa ayeshe mwa kwatelwa ondjabi yokomwedi.

Okwa kufa hahende waye wopaveta opo e mu kalele po kombinga yoshikumungu eshi.

Steve Mwaningange oye paife ta kwafele ongomunambelewawiliki welelo lodoolopa waEenhana, omanga Gabriel Mwaninga ta kwafele mombelewa omo tuu omo omudo wa dja ko. 

-fhamalwa@nepc.com.na