Auleria Wakudumo
Omushangi Ellen Namhila okwa shanga embo loshipalanyole “Ondjila Eyi A Enda” kombinga yolweendonghalamwenyo yomupresidente omutivali waNamibia, tatekulu Hifikepunye Pohamba nekufombinga laye mondjila yemanguluko laNamibia. Pohamba okwa pitifa embonghalamwenyo mOvenduka Omaandaxa.
Embo ola popya omashongo amwe a kala a taalela molweendonghalamwenyo ye ta dimbuluka oiningwanima iwa noiningwanima ii.
“Okuyandja olweendonghalamwenyo yange li shangwe, onda dimbuluka oinima aishe nda ninga ngaashi okufya ohoni, oinima idjuu nda enda muyo, okukala wa limbililwa nomaliudo aeshe,” Pohamba ta ti.
“Ovanhu nava kale ve udite etumba okupopya nokudimbuluka aishe ya ningwa monghalamwenyo. Olweendonghalamwenyo inali shangwa ile li popiwe ashike peefya ndele nali dimbulukwe yoo efimbo u li momwenyo,” Pohamba ta ti.
Pohamba okwa kumaida ovanhu opo vaha ninge ashike eendjokonona ngeenge va xulifa.
Pohamba okwa pandula yoo Omukokolipresidente Sam Nujoma, omunyekadi woshilongo omutivali Penexupifo Pohamba, omunyoli wembongalamwenyo laye oshoyo omonamati Tulongeni Pohamba eshi va dana onghandabala mokushanga “Ondjila eyi a enda”.