OSHAKATI – Omunyasha gwomimvo 34 oku na ondjodhi yokulundulula oonkalamwenyo dhAanamibia aakwao, ya thimininiki lwa kongudh i konkalo, ngaashi aanona taya li moondoloma, oothigwa, aalandithi yomalutu gawo osho wo mboka yaa na iilonga.

Omukokoli nomukuluntu gwehangano Ullah Nghifimule okwa hokolola kutya, ota dhimbulukwa nawa sho kwa li ha hupile momandoloma giiyagaya omolwonkalo a li muyo, sho osho tashi mu thiminike okuyambidhidha naashoka ta vulu okuhwepopaleka mboka ngashiingeyi ya taalela onkalo ndjoka.

“Mboka ya taalela onkalo ndjoka hasho ya hala, ihe omaudhigu ga yooloka ge ya thindila mo, onkene oya pumbwa omayambidhidho okuza kungame nangoye,” ta popi ngaaka.

Ta ti, oku na edhiladhilo l yokuya po nehang ano lyokuyambindhindha ayehe ya taalela omaupyakadhi ga yooloka, ya mone iilonga, omalukalwa oshowo ya tameke oongeshefa dhawo.

Nghifimule okwa popi kutya oku na omukumo kutya ngele okwa tula miilonga edhiladhilo ndika otali ka yambidhidha oyendji.

“Onda kala nokukondja naashoka te vulu, onda kala nokugandja omayambidhidho ga yooloka kaakalimo yomiitoolwa yokonooli mboka ya taalela omaupyakadhi ga yooloka naashoka ndi na po, oshowo okugandja iilonga kuyamwepo,” ta popi ngaaka.

Ta gwedha po kutya aantu mboka ye li monkalo yi li ngaaka, otaya vulu okulonga iilonga ayihe iiwinayi niimbuluma omolwonkalo ya taalela Ngh i fimule ota ind i l e omahangano ga yooloka oshowo aanangeshefa na kehe ngoka ta vulu okumanga uukuni kumwe naye, yo ya ete po ehangano ndyoka ya vule okulundulula oonkalamwenyo dhAanamibia aakwao.

-vkaapanda@nepc.com.na