Opolifi moshitukulwa shaShana otai pula ekwafo moshiwana okuyandja ouyelele kombinga yomunhu a vaka po ongedjo yongeleka Onguta Elcin i li mOndangwa. 

Omupopiliko wopolifi moshitukulwa shaShana Inspector Frieda Shikole okwa koleka ta ti oshiningwanima osha ningwa eevili dokeengulasha Omaandaxa. 

Opolifi oya hokololola tai ti ongedjo oya longifwa Osoondaxa efimbo longula. 

Otaku indilwa kwaau ta ka mona omunhu ta landifa ongendjo opo oshiwana shi kale sha lopotela opolifi keshe i li popepi. 

Opolifi oya hokolola tai ti eengedjo keengeleka paife oda ninga oihakanwa yokuvakwa po ndele tadi ka landifwa komahangano oko haku longwa oitenda. 

Omudo wa dja ko natango moshitukulwa shaHangwena osho yo Ohangwena okwa li mwa lopotwa oibofa yeengendjo da vakwa keengeleka. 

Omufitaongalo ta wilike eongalo Onguta, Stefanus Shigwedha okwa ti ongedjo oya fimana shaashi ohai longifwa okulondwela oshiwana opo shi lilongekide okuya kElongelokalunga. 

“Ongedjo ohai dengwa efimbo longula lwopotundi 08h00 nokonima otai ka dengwa vali ngeenge ovili yElongelokalunga i li pokudenga,” ta ti. 

Okwa yelifa ta ti paife otava ka longa noudjuu shaashi pongeleka ka pena vali ongedjo. 

Shigwedha okwa ti ongedjo oi li pongushu yoshimaliwa oN$250 000. 

Okwa ti moshinyanga shongeleka inamu tewa molwaashi omu na okashina haka kwena oko ka tulwa komahangano okukelela omaliko. 

-fhamalwa@nepc.com.na