Auleria Wakudumo
Omupopiliko wopolifi omupedu Commissioner Kauna Shikwambi okwa ti ovalumenhu veli vatano ova kwatwa eshi va li tava kendabala oku li vaka modolongo koshitaashi shopolifi kOkongo, koshitukulwa shaHangwena.
Shikwambi ta ti eenghendabala edi oda monika mo diva eshi opolifi ya tala koufano, hano oCCTV.
Ovalumenhu ova teta omevelo wonduda modolongo noshitetifi shi he shiivike nokudja mo. Ovalumenhu ova hangika tava kendabala vati oku pitila mekende lokombifa, novakwatwa nokushunwa mo mongali.
Ovanadolongo ava ovalumenhu Ovaangola vane, nOmunamibia umwe.
Natango, omukulunhu koshikondo shokukonakona oimbuluma mOhangwena omupedu Commissioner Zachariah Amakali okwa ti ovalumenhu va heyali ve li vaka modolongo koshitaashi shopolifi kOshikango nOhangwena fiyo onena ina va monika.
Amakali okwa weda po ta ti omunadolongo weedula 36, Willem Sheehama ou e li vaka modolongo koshitaashi shopolifi kOshikango neudo momwedi Februali naye ina monika.
Eengangala dili hamano nado ode li vakele modolongo yaNgha.
Vatatu vomuvo ota ku hokololwa va kwatwa, navatatu inava kwatwa natango.