Taimi Haihambo 

Shapwa Panduleni omunamido 25, oo e li omuhongwapangi koshiputudilo shaAtlantic, pefimbo e li iha kala ehe na eetundi, ile a dimbuka oha kala e lipyakidila nokumbaka oikuki, ongongeshefa yaye yopomunghulo.

Okwa ti ediladilo longeshefa yaye okwa dja nalo pedu, shaashi okwa kala nayina ha shingifa oukuki, eeshi, oihakautu ye vati natango oku na yo ongeshefa yokuhondja. 

“Eshi sha ka pendula ediladilo lange lokumbaka oikuki, osheshi nda kala ndi li pedu oule wodula,  osha ka fininikange ndi li pakemo membako lange loikuki,” ta ti.

Okwa ti eshi a tameka aishe oya kala hai ende nawa, nongeshefa yaye oya tameka okukula. 

“Nonande oilonga yange hayo naana ya li yofaafaa, ovalandi vange okwa li hava kala va hafa lela, nohava pe nge omukumo wokuya komesho efiku nefiku,” ta ti.

Okwa ti momukalo oo, okwa tameka ta endele ko fiyo ta shiiva.  Paife ovo vamwe vomoinima yakula, unene ngeenge tashi ya komalungula.

Shapwa okwa twikila kutya nonande ongaho omashongo kae na apa ihaa finana.  

Okwa ti efiku nefiku oha taalele omashongo ngaashi oitelekifi ya ninga ondilo, ovanhu tava mbestele oikuki ihapu oshita, okuwanifapo oikuki yovanhu ye vati natango oku na ngoo omambo ofikola e mu teelela.

Ashike nande ongaho omashongo oo iha e mu teya po. 

Shapwa okwa twa ovanyasha vakwao omukumo opo va shikule eendjodi davo, nokulinyangela momukalo keshe tava dulu.  –Taimihaihambo2000@gmail.com