Matutja ndangi Muhona wouyere, ami mbakurama mba kehi yomuti Ngauzepo. Nu mbakurama mba okatiti tjinene kombunda yozombura esere nandatu ndinondi. Nambano oove ngunomasa, omuti imbwi ngunda awaripo ponamba ovandu voye ngunda amaverekwa komuti imbwi, tjandje ete atuhe mbuturi mba katuyarora okumemwa
Nambano ove oove nguunomasa mevanga okuhungira kunaove Ndjambi ndinondi kutja eyuva ovandu voye tjaa verekwa komuti imbwi natjiva tji va kuramene moruteto imba, aa vemunu naimba ovazepe vatjivirwe kutja eraka ndi mehungire maariyanda. Eraka indi mutu mariyanda kanaa ri kahungirwa mehi indi, nambano ete tuaso kutja ndangi, otjina tji tunatjo ondangi. Mena rokutja eraka indi tji marihungirwa nai ouhimise kombunda yozombura esere na ndatu. Ombango yOye ka mbango yetu.
Ovandu mbaripo mbaa verekareka komiti poo oiri indjo mbaaveetua vekutue kondarata komuti, tjandje verihahiza mave tjiwa kutja ka naa kukara ouye wOvaherero rukwao. Nu mouningandu wOye nombango yOye namotjari tjOye otjinene, ami owami ingwi omuzandu wa Koujo wa Musirika Wa Hanguvi Omuzandu wa Kaiko. Mba kurama mba mbatuako eke komuti imbwi. Ngu me kambura kutja yiumwe wo vazamumwe mbatira ponamba. Noho moveta yetu yovaporovete ndjiheri yokereka
yovirumbundjimaitja ovandu vekoka oiho vakoka, ami oo Tate mbatamba nozongunduandje mave ndjimunu kutja mbatuako eke ponamba. Nu ngave ndjizuve orondu ami metjiwa kutja vena omwinyo mu Ndjambi.Muhona ngevepe omasa tjinene vetuzuve kutja tueya mba ne ke randje mba tuamba mongumbiro yo kuriyarikana kutja. Ombindu yenu no marekero yenu aihakara omungandjo.Omuzandu wa Kuaima ingwi wa Riruako ingwi wa Komuhoni uri moruuma.Uri moruuma rombindu yenu nete ondji matukumbire ponamba. Matu kumbu kutja mu pewee omasa tjinene ete owete ovingundi tjinene Kamutjiisapo ozondaya inda ozondaya inda ndu mwari nazo ndu mwa kwarasana ouvi, ozondaya inda kaze tjikurupa. Nu mu hakaene kuna Ovandoitji nu ovina ovyombi kavizengire. Oviperendero ovyombi tunavyo ovina kavizengire, ondambo kaizengire. Matukambura kutja owene oveni mbu mwa kotora ombango indji. Ombango indji
kutja otjiposa ihi tjikaende tji kareko nu tjikaenda nawa. Mukuru matutja ndangi otjiposa tjikaenda nawa, tu tjimuna kutja tjikaennda mo mbango yOye. Nu ngarire tji we tjikaendisa nomasa no zombepo zoo Tate ngaze kare katumba. Ami tji mbakurama imba tji me kumbu Mekumbu ambazu moviwana ovingi. Oviwana mbyari ovirangere ovingi, Otjiwana tjo tji Seu. Tara mbazu mo mu kazendu inaya Kuaima, Kavikua, ngwa kwata Tate nu mo tji Seu. Onganda ndji waungurire ondangere wina. Mekumbu novina ovingi hina kukumba nembo ariyerike. Mbazu mozonganda ozengi. Onganda indji yOhorongo ndja kwatua puna indjonene yotji ka Tjamuaha mbekuraere.
Onganda ya Tjihenuna indji mu mwari ongunduandje Kavitjinonjungu omu mbakwatua omumbari. Omasa ngaeye ayehe wo rongaane amuhe imba.
Onganda ya Katjimune omumbazu. Mekumbu ovina imbi nozonganda azehe ndinondi mee kumupa. Onganda ya Mungunda omumbazu. Nambano Mukuru yandja omasa. Mevanga okuworonganisa omasa inga ayehe.Nomasa ngaye yandjwe ku Kuaima nguu ngura ovina imbi. Ngayeyandjwe ku Kuaima, woronganee.
Mukuru oove ngwe mupa omasa inga kutja ovina mbyahara okusetikwa avihasetikwa.Ombango indji yavangwa okusetikwa. Omakuruhungi inga yavangwa okusetikwa. Nu turimba ndinondi, turimba pomumbonde imbwi mbwazepa ovandu vetu tjinene. Nambano Mukuru yandja omasa ete katuna omasa. Ngarire ove ngwayandja omasa. Sera ondaya. Amena