I Kae Matundu-Tjiparuro OTJOMUISE – HAPO otupa peke peke tutjita tjike kutja Ongundeveta ya Namibia ikare rere nomwinyo? Indi indari epuriro ounepo peke peke motjitamba tja Namibia tjopolotika ndiwa-perwe okuzira peyuva roma-zemburukiro oetja 16 wo mamemeno wo Ngundeveta ya Namibia muno erero. Otji-ngi tjavo vazirire epuriro indi nokuhina kuhandjaura kutja Ongundeveta tjiina omwinyo orondi tjiirivi poo nokuhina kupura kutja nu tjii hapo tjimakuzu “ongundeceta ikare rere o Nomwinyo” mapehee kutja inomwinyo rukuru? Mbari notjiungura tjoku-zira yari o Muhaamise wOm-bongarerro yOtjiwana, Theo-Ben Gurirab, o Ministera yOndekisasaneno nOmbwiro yOvanatje, Marlene Mungu-nda, o Minister yOmahon-gero, Nangolo Mbumba, ngwa kuramenenwepo iyo Ministera yOmitanda, Oma-rongerisiro wOmitanda nOmanyando, John Mutorwa, o Ministera yOukohoke mOvyombanguriro, wina nguri ohahende onene yoho-romende, Pendukeni Iivula-Ithana notjiuru tjo Congress of Democrats (COD), Ben Ulenga. Iivula-Ithana na Ulenga omba korokohorere ounam-winyo wo Ngundeveta ngu-nda imbo varwe ava wirire mokuzira epuriro nokuhina kukengeza kokutja tjii hapo ouna mwinyo mauhee tjike nu indji Ongundaveta nai onamwinyo poo inde? Oven-ngi vakamburire kutja Ongu-ndaveta onamwinyo rukuru nu munao otjivehina veripu-rire kutja ounamwinyo otjik-waye poo okupurira ko kutja ina omwinyo poo inde? Tjayazemene omahandja-uriro kutja Ongundeveta otji-kwaye kokambo kukatjangwa iyonongo, Hage Geingob, ngwari o Ministera Ondenga nu ngwari Omuhaamise wOvihavero vyOmbongarero ndjamema Ongundaveta, Iivula-Ithana watjere: “Oma-tjururiro wohoromende. On-djururiro yarive okuhina rina-nena no munda imbo warwe wohoromende yeke ekukutu, ohoromende yombango yayo oini ndjiha nanenwa koveta.” Ousupi wina okuyazema kokambo tjingako Iivila-Ithana watjere ondimwa yOngundeveta yakatjotjiri kundinondi nokuza kotjime-menwa ondjururiro yohoro-mende noveta. Okuhandjaura o unam-winyo wo Ngundeveta, Iivu-la-Ithana wayazemene oma-handjauriro wembo ehandjau-ra romambo indi o Wikepedia ngumaetja: “Okutara kokutja ovapangure Ongundeveta yOmihoko Omukutasane va-sere okwiitoroka vi kondu-mbwa yayo omatorokero inga kaye heye kutja ovapangure vasere okuya nourizem-buruka kaharive nungwari peheya Ongundeveta yomaa-ndero nomazeva ngehaha-ndere pona pemwe nomaha-ndjauke ngekayenda puna otuhepo twotjiwana otja mo-tuveze veze pendje yokutja yahandera porive nuyena omuhewo mbuharunduruka.” Tjahaundjaurire o una-mwinyo wo Ngundeveta Iivu-la-Ithana watjere tjimakuzu nao okutja mapeheewa kutja kwasere okutarewa kovi-nenge peke peke. Tjitenga kwasere okutarewa komato-rokero wayo natja wina ova-pangura mo Namibia ihi otji-na tjivaraisa naverakiza ova-toroke vayo okukengeza oku-hina okupandera “potuwo-ndja tuozoveta ndatjangwa”. Watjere omwano warwe wokutara kutja Ongundeveta onamwinyo poo inde okutara kokutja hapo ovature veye-nena okuyoungurisa vi kum-we nawina kumwe nawo nohoromende notutu tuayo mokutjevera ozondero zawo. Okutja nao oruveze roharive irira ohepero okurundura Ongundeveta indji nongeke-zero yo kutja omarundururiro wayo yena omukoka puye-yandera. Watja ndinondi po-rumwe kapena ohepero ndjiteki pi yokwiirundurura posya eye kanaatja moruya veze ohepero indji ka ina oku kara po. Ulenga watjere epuriro ndimaripura kutja Ongu-ndeveta orutuu orunamwinyo nokutja ozombura o 16 nda-hingi ongutukiro ya Namibia rwahingi orunamwinyo, ma-rizirwa momwano warwe wepuriro ndimaripura kutja: “Tjii hapo ete otjotjiwana ovi-nenge nomazeva wOngu-ndaveta tuakambura mom-winyo vyetu, nu turota ovi-nenge imbi otja pomasorero nomaandero wetu?” Ousipi Ulenga wazirire kutja ovinenge imbi katuye-vizara mominyo vyetu pupa-yenene kutja omominyo vyo-polotika, vyombwiro, ehupo nombazau na momaha-kaeneno pokati kovandu kau-riri nawina momaunguriro wotutu tuehi nohoromende. Imba wina mbenana otutu itui ngunda kaveyakambura ovi-nemge vyo ngundeveta imbi nawa, Ulenga watjere.