Auleria Wakudumo

Elelo lodoolopa yaNgwediva ola hovela okulonga eepate odo dimwe da li da kungululwa po komeva inene oyo ya loka moshitukulwa petameko lomuloka ou. 

Omupopiliko wodoolopa yaNgwediva, Ottilie Shingenge okwa ti odoolopa oya tameka okulonga eepate mOlomakaya la dja ko. 

“Molwodula ya kula oyo ya loka konyala oshilongo ashishe, eepate dihapu oda li da kungululwa po osho sha ninga shidjuu kovanhu nokoihauto mokulongifa eepate shaashi oda hanaunwa po kodula,” Shingenge ta ti. 

Shingenge okwa weda po ta ti eepate da divilikwa kodula mOngwediva ongaashi oSky Phase 1 no 2 oshoyo oExtention 14. 

“Onghene otwa hovela nomalukanda aa shaashi oku na eepate da hanaunwa po filu filu komeva oule woivike ya ya,” Shingenge ta ti. 

Okwa kwashilipaleka kutya elelo lodoolopa otali twikile okufya oshisho kutya ovakwashiwana otava longifa eepate odo. 

-wakudumoauleria@gmail.com