ONGWEDIVA – Ovatengeneki vonghalo yomhepo ova popya tava ti natango neudo oitukulwa yomonooli oya teelela efundja komafiku okomesho.
Ouyele ou owa yandjwa ku Vilho Ndeunyema, ou e li omutengeneki wonghalo yomhepo. Edi okwe di popya konima yomalimbililo a li moshiwana e na sha nomuloka woneudo, shaashi ngeno mu Januali ngaali shihenga oya tameka nale okutila omeva pedu aahapu, nande yeshininga nale muDesemba. Omeva okwa tameka nale oku pwiinina meenhele dihapu.
Ndeunyema okwa ti nonande odula yafa ya laata, oko ashike taidi oko noya teelelika ika etelele efundja.
“Pamakonaakono onghalo yomhepo, efundja ita li kakala nande lapimbila, ota li kakala ashike ngaashi ha li kala shito. Shapo ongeenge oinima yaka shendja pomakati opo,” ta ti.
Ndeunyema okwa twikila kutya nande ongaho oitopolwa ngaashi yokoumbuwanhu woshilongo, ota ku kakala kwa kukuta no itai kamona lela omuloka uhapu.“Eshi hatu popi ngaha efundja ola didilikwa nale koitopolwa imwe yakwatafana nowambo ngaashi Opuwo.
Manga efundja ta li komangelwa oku tya oli li mondjila, vahapu koshitopolwa sha noooli ova tula nale eembuda moixwa tava denge eefola medu nomatemo, omanga vamwe ve li pyakidila noku lima, voo ombakumbaku tava pulula. Eshi efundja ta li ka ponokako, oilya ya vahapu ota i hangika nale yakula yoo oya kola, no i tai ka duluika eenghono komeva.
Oitukulwa ngaashi oshitukulwa shaHangwena, oha shi kala shilimo nai kefundja, unene tuu eenhele osho yo omikunda edi da amena keengaba daShikango.
Ovanhu vahapu oha veli hange tava tembukamo momaumbo avo, vaka yaame efundja keetenda depangelo shaashi omaumbo ohaa kala eli koshi yomeva.
Ndeunyema okwa ti efundja ngeenge ole keya, ovanhu nava kendabale veli humbate nawa.“I na mu kala mwadina omeva hama kala a talama pomataulukilo, nye tamuti omasaxupi, ota mufi omeva nye mu ete oiponga,” ta ti.
Okwa twikila kutya ounona nava kale kokule nomeva efundja, kutya nee oyaa ha akala ta a lotoka momilonga nokeenhele da yooloka shaashi okuna eenghono ota adulu okutwalela omunhu.“Ovanhu aveshe nava ende pomataulukilo amwe, sho ngeenge ota shinyengana nava ende veli kwete meenyala opo ashike tave shi pondola,” ta ti.
taimihaihambo2000@gmail.com
