MTC okwa tameka okugandja ompito koshigwana okulongitha ompito yomalungula oshali, ya tameka Osoondaha notayi hulu mesiku lyotango lyaMaalitsa nuumvo.

Ompito ndjika oya gandjwa kukehe ngoka e na okakalata ko-MTC, nelalakano lyokudhimbulukwa Omukokolipresidente Sam Nujoma.

Omukuluntu koshikondo shomakwatathano mehangano lyo-MTC Tim Ekandjo okwa fatulula kutya oshigwana osha pewa oodata okulongitha oshali uule womasiku gaheyali. “Shika otatu shi ningi ongomukalo gokupandula nokusimanake shoka omukokolipresidente Nujoma a kala noku tu ningila,” ta ti ngaaka.

Ekandjo okwa ti, kehe esiku otali ka tumbula sha she mu pamba, okuza omumvo nesiku a valwa, omvula nesiku oshilongo sha manguluka, ethimbo a lele Namibia, oomvula dhe osho wo esiku a hulitha. Ta gwedha ko kutya ongehangano lyo-MTC oye ya po nompito okudhimbulukwa omupresidente ngoka a li a kondjele okweeta ombili moshilongo noku shi tula pondondo mpoka shi li nena, omolwohokwe e na nAanamibia. 

Kehe ngoka a hala okulongitha ompito ndjika, okulongitha omalungula oshali na dhenge onomola *1990#, e ta landula omalombwelo. 

-vkaaanda@nepc.com.na