Oololi mbali ndho mbaanga yoNampost odhali dha adhika nomapakete giikolitha yuuwiskey oshowo omakaya goYes ngoka gaindikwa okulandithwa moshilongo.
Aalumentu yeli yatatu, mwa kwatelwa omuniilonga gwoNampost oyali ya mangwa po oshiwike sha zi ko, sho yali ya adhika nomapakete guuwisky oshowo omapakete gomakaya goYes geli 86 kumwe.
Sha ikolela kuuyelele wa gandjwa komugandji gomauyelele moshitopolwa shaShana Thomas Aiyambo, aalumentu mboka okwali ya mangwa konima yali ya monika kopolisi ndyoka kwali tayi patolola mondoolopa, pethimbo ndyoka.
“Omapakete guuwisky geli 38 oga andhika megumbo, limwe mOshakati, sho pegumbo mpoka yali yaadhika, mwali mwa hadhwa kopolisi, omanga omapakete geli 48 gaadhika geli meni lyokaloli,” ta ti ngaaka.
Aiyambo ta ti, iikolitha mbyoka oya tengenekwa hayi zi koshishindalongo koAngola, niihauto yili iyali hayi longithwa okuga humbata oyali ya kwatwako kopolisi.
“Omapakete agehe ngoka oga yalulwa gena iikolitha yongushu N$290 160,” ta popi ngaaka.
Otaku hokololwa kutya iikolitha mbyoka okwali tayi londekwa opo yi tumwe kOvenduka hoka kwali tayi kalandithwa.
Esiku olyo tuu ndyoka okaloli kamwe okali natango kaadhika nomapakate guuwisky nomakaya goYes po mbanga yoNampost mOshakati.
“Omwaalu go mapakete ngoka ka kwali gwa pitithwa ethimbo ndyoka omapakete ga monika.
Omakaya goYes oshowo uuwisky owa indikwamo moNamibia, no hashi tulitha oshigwana muupyakandhi una wa adhika nayo.
Opolisi ya Namibia oya kala nokulonga nuudhiginini okukwatako iikolitha oshowo iinama inayi pitikwa moshilongo, mbyoka unene hayi zi koAngola.
Omumvo nguka petameko iinimai mbyoka naayi pitikwa moshilongo yali ya mangwapo kopolisi omvo gwayi, okwali yatulwa miipindi mOshakti.
Oshimaliwa shithike N$600 000 oshali sha zimo minima ayihe yalandithwa.
Iinima myoka kwali ya landithwa omwakwatelwa iikutu, iikwatelwa iikolitha oshowo iihauto mbyoka kwali ya kwatwako poongamba ethimbo kwali dha pata.
vkaapanda@nepc.com.na