Lahja Nashuuta 

Oombaapila ndhono tadhi ka longithwa momahogololo giikandjohogololo noshowo omalelo goondoolopa odha thiki ohela moshilongo oku ziilila ko South Africa hono kwali tadhi nyanyangithwa noku tulwa kumwe kehangano lyoUniprint Global. 

Uniprint Global okwali a pewa o tendela yoku nyanyangitha oombaapila ndhika koshimaliwa shoondola oomiliona N$ 4.5. 

Omupopiliko gwehangano lyomahogololo moshilongo, hano o Electoral Commission of Namibia(ECN) Siluka De Wet okwa hokolola kutya ehangano lyo Uniprint Global olya ve ne po oteendela ndjoka konima sho aanangeshefa yo moshilongo ya ndopa oku kutha ombinga mo tendela ndjika. 

Siluka ta tseyitha wo kutya oombaapila dho kuhogolola odha thiki moshilongo ongulohi yohela ano momaandaha, no dhili dha pungulwa ko mapungulilo gepangelo moVenduka. 

Namibia okuli a taalela omahogololo gomidhingoloko noshowo omalelo goondoolopa ngoka ta ga ka kala ko mo26 ya Novemba omumvo nguka. 

Pamishangwa dho ECN aantu ye vulithe poomilion 2.2 oyeli yiishangitha noya tegelelwa opo ya ka kuthe ombinga mo ma hogololo ngaka. 

ECN ta tseyitha wo kutya iikandjo hogololo 120 yomiikandjo hogololo 121 otayi ka ya momahogololo, omolwa oshitopolwa sha Mankumpi shono tashi fofodholwa kutya otashi vulika mukakale ka muna omahogololo nuumvo. 

Okwa tegelelwa wo opo oondolopa 59 dhika kuthe ombinga momahogololo ngaka. 

– lnashuuta@nepc.com.na