Lahja Nashuuta
Epangelo olya tseyitha kutya monakuyiwa oomvula dhuungundjuka otadhi ka undulilwa komeho opo aakwashigwana mbono ya pita mo muugundjuka ya vule wo okumona omauwanawa noshowo omayambidhidho ga kwa lu kehe.
Oomvula dhuugundjuka odha tegelelwa oku ka gwedhelwa sigo opoomvula 45.
Ngashingeyi pakotampango lyoshilongo omugudjuka oye ngoka eli pokati koomvula 16 35.
Etokolo ndika olya kolekwa kuminista gwiimaliwa nomaliko goshilongo Elicah Shafudah pethimbo ali ta gandja omauyelele gena sha noshiketha shono shi i kalekelwa kepangelo okuyambula po oongeshefa niinyangadhalwa yaangundjuka moshilongo, shono sha tseyika nedhina “Youth Development Fund”.
Nuumvo epangelo olya li lyu umbile mo oomiliona N$257 oku kwathela aagundjuka naanageshefa aashona.
Omupresidente Netumbo Nandi-Ndaitwah pethimbo ali ayi moonkundathana naagundjuka yomoshitopolwa shaShana mOlyomakaya ya ziko, okwali a tseyitha kutya oshipambu shoomiliona N$ 14 osha zamo nale nokuli na oshili tashi kwathela aagundjuka o45 opo ya vule oku humitha oopololeka noongeshefa dhawo komeho.
Omupresidente okwa shilipaleke kutya oshiketha shika otashi ka kwathela aagundjuka oyendji mo nakuyiwa.
Gumwe gwo maakalimo moshitopolwa okwali a pula omupresidente opo a fatulule kutya aakwashigwana mbono ngashingeyi ka yeli we moomvula dhuugundjuka ihe oyena ohokwe yokulonga ota ya ka kwa thelwa pamukalo guni po, opo ya vule oku imonena shomondjato ku yo yene.
“Omusimanekwa omupresidente, tse mboka twa pita po poomvula dhuugundjuka ota tu ningwa ngiini. Tse yamwe otuna natango oonkondo dho ku longa , yamwe otuna oopoloyeka dhetu tse yene, ihe ota tu nana nuudhingu, ka tuna omukwathi. Natu ninge ngiini, ?” Omukwashiwana ta pula.
Meyamukulo lye, Shafudah ngono a pulwa komupresidente aya mukule kepulo okwa koleke kutya epangelo otali ka undulila oomvula dhuugundjuka ko 45 okushilipaleka kutya aakwashigwana ta ya nyangadhala kuyo yene oya mona ekwatho.
Okwati shika otashi ka tulwa wo miilonga meendelelo opo ku keelelwe okwaahena iilonga, nosho wo kugandwe oluhepo moshilongo.
“Konakuyiwa, aakwashigwana ayehe yeli moonvula dho kulonga ota ya ka kwathelwa. Ongee shila taya ka adhika ya pita po poomvula ndhoka. Oshili elalakano lyepangelo oku sa oshipwiyu kutya kapena omukwashiwana ta ka patelwa pondje na otaka mona uuwanawa wo shilongo” Shafudah ta tseyitha.