WINDHOEK – Olaata yOn-yama moNamibia oyi li mompumbwe yoshimaliwa ya dhiginina, onkee oya tha-neka okukatuka oonkatu dhe-shunitho pevi lyelongitho lyiimaliwa nokundjeka po omukalo gokugongela iiye-mo. Oonkatu dhoka dha tege-lelwa otadhi ka enda pamwe niilanduli yontumba koo-kasitoma oshowo ooprojeka hadhi mono eyambidhidho lyoshimaliwa kOlaata yOn-yama (Meat Board). Omain-yengo otaga ulike kutya Olaata yOnyama oya kala tayi nana nondatu painiwe muule womimvo omol-wewiliko nekondololo lya nkundipala. Oshiholelwa shimwe sha gandjwa koonzo dhomauyelele, osho shoka shehangano lyokugandja omayakulo gwontumba ko-laata li li koSouth Africa, ndyoka hali tumu ashike uumbapila li futwe pwaa na omukalo gokutala ongushu yaashoka tashi futwa, oowili dhoka longwa oshowo iilonga yilwe. Ope na eitaalo kutya Olaata yOnyama oya kala nomulanduveta gwa mbalangandja monakuziwa, moka aanambelewa haya vulu okuya momalweendo kiilongo yopondje ngaashi Australia, Ireland naGer-many itaa pewa omaukwatya goohotela moka ye na oku kala. Aanambelewa mbaka ohaya pewa eeEuro 230 mesiku, inadhi kwatela mo omahala gokulala, kokutya N$1 700 mesiku. Konena ehangano ndika ngashingeyi ohali longitha omuthika goshimaliwa shomoshilongo komalweendo gopondje yaNamibia. Ihe onkalo ndji-ka oya tula aaniilonga moma-limbililo, oshoka poompito dhimwe oye na okufuta omayakulo galwe niimaliwa okuza moondjato dhawo. Nonkambadhala okutala konkalo yoshimaliwa she-hangano, ewilikongundu ok-wa thanekwa li gongale oma-siku ngaka opo li tale koo-mpito dhimwe dhoka dhi li po. Oonkatu dhoka tashi vulika dhi ka talwe odha kwatela mo egwedhelo lyiifuta mbyoka yi li onzo onene yiiyemo yOlaata yOnyama. Otaku tengenekwa kutya Olaata yOnyama otayi ka pumbwa N$15 432 114, okulongitha pamutenge-nekwathaneko goshimaliwa shomumvo 2006/7. Iiyemo mbyoka hayi zi miifuta oyi li N$7 3368 600, tashi ti okapandi N$ 8 063 514 oka kolota po. Omayalulo otaga ulike kutya Olaata yOnyama oyi ikolelela unene kiifuta hayi zi moongombe 330 000, hadhi futilwa N$12, iimuna iishona 1 400 000 (N$2.40) niingulu 30 000 hayi futilwa N$1.62 mukehe. Iifuta ompito ndjo-ka yi li po oku yi gwedhela noopelesenda 110. Ondondo yopethimbo ndika yiifuta oya thikama N$3.20 mongombe yimwe oshowo N$0.60 moshimuna oshishona. Tashi ti ngele olaata oya tokola okugwedha, iifuta otayi ka gwa N$15 mongombe oman-ga oshimuna oshishona N$2.50. Oshikwawo olaata oyi na wo okutala keshunitho pevi lyaaniilonga, tashi ningwa nomukalo gwelaleko miilonga paiyambo nenge okutala komimvo dhon-tumba, oshowo okushunitha pevi iilyo yewiliko. Omukalo gulwe okukutha po pakathimbo eyambid-hidho lyoshimaliwa koo-projeka dhimwe oshowo oshimaliwa kiinima yimwe ngaashi iigongi nomata-lelopo gopondje yoshilon- go. Oonkambadhala oku-mona omauyelele kaa-nambelewa mOlaata yOnya-ma inadhi shi pondola.