I Deon Schlechter
OTJOMUISE– Oviungura ovitue mbiaa vihapokere viotupa tourunga wovinamuinjo tuo Porise ya Namibia mOkahandja, Otjiwarongo na Pako, viaetere omakamburiro wozongombe o 21 zourunga ngunda otupa itui noho aturi noupiu mondambo yozohoroose zotjimbumba ombura indji nai tjitjihakerua mokupunda ozongombe o 250, azehe kumue zonÿengu ndjimaitataimbua pOzondola za Namibia engete nokanÿe nombari (1.2) mozondendera za Kahandja.
Tjayauzire omakamburiro womaka inga komurungu wawo okukamburua, Oseresanda Omukonÿonone, Willima Gray, worupa rourunga wovinamuinjo roporise mOkahandja, waraerere o New Era kutja: ™Tjiva zozongombe ozovakua zamunika pozovandisa namoviunda viomaøunisiro nu otjikando tjimue tuakamuna outenda wokomatui kozongombe inÿa. Ongonÿononeno yavaza ondondo omuatamuate nu tuaropororere omakonÿononeno wetu kOtjivanda kumatuundjire ko onÿoneøo katjisupi.∫ Oruveze romatjangero wombuze indji tjandje vevari vomaka omahakerua mourunga wozongombe yakamburirue rukuru. ™Ovahakerua imba maveya komurungu wotjombanguriro katjisupi nungunda aperi nae eÞe turi noupiu mozondambo zaimba mberi kongotue yotjimbumba ihi,∫ Gray watjere.
Omahangateneno wokuteya otjimbumba ihi -mumuna okuteza ozonomora zoungoze ouwondjozewa nokutjevera ozondjira komanene weyuva wa Kahandja- yeere kombunda yoporise tjiyaza nokuwondeka ozoparamita zouzoro runga nÿayandjua komarunga wozongombe nomaungurisiro wozonomora zozoparamita zovakurundu va Vitoto. Onÿoneno onene mongonÿononeno yatjitua indu orupa rourunga wovinamuinjo rua Kahandja, nombatero yotupa tuarue tjingeto, tuauta okukara kovipato momayandero wa Seninarindi kombunda yaindu ozongombe kaatjondumba tjizapandjara okuza mozofarama peke peke.
™ Omayuva tjiyari yetano ku Kozonjanga ngurova tjandje turi kovipato okuwirira mena rokutja tjandje tuamunu ondaze ohunga norori ombapa ndjaa ihamunika oukohoke. Omuhinge worori indji tjakuramisiwa mondjira ape ndjiihina kuiituara komanene weyuva na Kahandja, tuayendeka kutja orori indji muna ozongombe zourunga.∫ ™Tjivaza nokutupa ondjivisiro yoposio ohunga nomuni worori indji nawina ozoparamita zokutoora ovinamuinjo imbi, omuhinge nawina omuronde we vakonÿononua nu kombunda avekamburua kotjiveta. Oporise yayakura ozonomora zoungoze ouwondjozewa okuza kovahakerua imba nu u iungurisa ozonomara inÿa okumuna ondjivisiro yarue,∫ Gray watjere.
Komurungu watjere oporise wina aa ikondjo okukambura ovarise vovinamuinjo ovahakerua momaurunga mena rokutja potuingi ovo vetupuka oporise tjivautu okuøuka kutja tjiyautu okuvevaza. Ozongombe nÿakotorua zayarurirue koveni vazo otjiveke ihi. OvaÞuta va Kahandja, Dicky Kotzé na Lisa du Plessis vari avapupurukua tjinene okukotorerua tjiva viovinamuinjo viawo vionÿengu yokombanda. Kotzé wakotorererue o 21 zozongombe ze o 36 nÿavakua mu Rozonÿu ngunda inÿo oza du Plessis azakotorerue katjisupi. Otja ku Kotzé orupa rua Kahandja rourunga wovinamuinjo ruaungura popezu naituo tua Tjiwarongo na Pako nu nandarire arunguda amaruumbu oviunda viorutjindo ku ngunda ama ruwongeremo ozongombe inÿa. Nandarire kutja outenda wokomatui mwaaruriruamo warue, oporise yayenena okuhaøa omuriro motuveze tjiva mbuaa uyenene okumunika uriri indu omainya tjiyapohorua.
Oritjatatu Oruwano rua Namibia Rotutumbo nOvikunua, ousupi o NAU, rua kuamberero ko ovaÞuta okutjivisa oporise ourunga wovinamuinjo nokuiiopa ondjivisiro onjingi otjatjimaveyenene ohunga novinamuinjo mbiavakua okupupaparisa oviungura viayo.