I Kae Matundu-Tjiparuro OTJOMUISE O Ministeri yOmahongero na varwe motjitamba tjo mahongero ombura indji vaungurire oukututu kutja o u zeu mbwa karapo mo rukapita veze okutjangisa ovahongwa mo mautiro we kweze romahongero a u hakarapo. Posyo ngunda ehi rasere okukendua iyo vahongwa vondondo oitja 10 no 12 mbetuurunga notjivaro tjokehi yozoperesende o 50 uriri. Opresidenda yehi, Hifikepunye Pohamba, Oritjavari watjere nao tja po mbongarero ondenga yozoministera ndji tjiukwa otjo Cabineta. Watjere otjivarero ihi otjiyandja honi okuzamba tjasere okuyarurwa ombunda natja ehi karisere okuzara omaunguriro omangundi inga. “Ngatusekame tjimanga okutjaera ongaro ongendise indji tjimanga nondando yomatuurungiro wozoperesende o 90 zovahongwa ozombura ndumazeya,” Pohamba watjere. Munao otja ningirire o Ministero yOmahongero navarwe ovanarupa motjitamba ihi okuyandja ozondunge no u rizemburuka mbu ma u yenene oku yarura ongaro indji ombunda.Watjere ehi rasere okurongerisa ovanatje varo kotjitamba tjovyungura mouye otjirarakaneno mu tjiri otjizeu nungwari kaku verongerisa kutja ve kanyandavare mo mivanda no kuhina ovyungura. Mombepo indji Pohamba wina otja ningirire o Ministeri indji okukurisa omahupikiro wovahongwa va Namibia pondondo yo murongo mo muhunga wo ndunduziro yo ngorongova. Watjere okuza po ndondo indji o 10 no 12 ovahongwa vasere okutjiwa omihunga mbi mavetoora tjiva vaza ondondo yokombanda yomahongero. Watjere matjiwa kutja otuveze tuo mahongero otungi tuna o u zeu peke peke tjinene nene itui tuo kozombanda. Posyo tjingetjo wina matjiwa tuvoeze tuokozombanda tuo mahongero tu tuaungura nawa mo marorero.”Epuriro ndi tuasere okupura no kupaherea ko omaziriro nambano okoo kutja hapo otuveze itui tu yenena vi okuungura nawa no mauzeu nge tukuramena?” “Ndoovazu oruveze romahongero rokombanda maruyenene oku tuurungisa ovahongwa nawa hapo ito tuarwe tutjaerwa itjike okutjita nao wina ndoovazu turi kehi yozongaro tjingezo?”, Pohamba wavangere okutjiwa. Watjere inga oo mapuriro ngu mayehepa omaziriro nu mokuhara ondjiro okuyarura ongaro ohayakurwa indji ombunda. “Ngatusekame, nu ngatusekame nai”, watokere. Watjere omikambo mbya toorwa kutja omahongero wo unatje mbu hiya vaza ozombura zokuuta omahongero yerire orupa romahongero rukwao, vye mupe ombango. Watjere omahongero inga yehepa ohambwarakana yotjiwana atjihe wina. Otja ko nagro ya Africa omwatje karire wo vemukwate uriri nungwari owo tjiwana atjihe. Tjingetjo otji pasere okukara mo mahongero wovanatje mbehiya yenena okuuta omahongero kotjiveta. Pohamba watokere ovanarupa avehe okuyandja ohambwaraka komatuiiro mo maunguriro wondunge yomahongero wovanatje imba kutja ovanatje avehe mo Namibia ve rongerisiwe nawa nu tji maveutu ondondo ondenga tjandje vayenena. Watjere ohepero mena rokutja omarongerisiro wovanatje ko mahongero oo ngunde yomahongero, kuye hapera na kuye isa ovipahe mbirivyo.