OTJOMUISE
Epu-kiro irumwe rorukondua omaze yOvaarapa mu mayerire ondiru tjinene oprysa yomaze tji mairondo nozosenda o 27 mo ritera okuza kOmandaha.
Oritjatatu o Ministera yOzongoporo nOviyakise, Errki Ngimtina, otja tjivisire omayerurukiro woprysa yomaze inga ape ovi veke vivari kombunda yomayerurukiro inga omaseinina. Omaze mayeyeruruka nozosenda o 27 mo ritera ngunda o ndisera ama iyeruruka nozosenda o 32 mo ritera.
Momayerurukiro inga wina muna omayerurukiro wotjimariva ovanamatemba tjivesuta kOmbwiko yOumba wOzondjira indji o MVA.
Okuza kOmandaha o ritera yomaze ngehina ohanga maikosa o N$7,09 nu indji ndjayarukira po indjo yohanga o N$7,07 mo ritera ngunda o ndisera amaikosa o N$6,89 mo ritera.
Ozoprysa ozombe mEzorongondo muzeri ombiriha mehi mena rokutja omaze omuye herukira movitoore okuze pendje okuza kOmandaha o ritera yopetorora ndjihina ohanga mairire o N$6,91 mo ritera, ndjayarukira po indjo yohanga o N$6,89 mo ritera ngunda o ndisera amaikosa o N$ 6,70 mo ritera.
MEpukiro okuza ko Mandaha o ritera yopetorora ndjihina ohanga maikosa o N$7,43 mo ritera, ndjayaruikira po indjo yohanga o N$7,41 mo ritera ngunda o dnisera amaikosa o N$ 7,22 mo ritera. Moupa.