Otjomuise- Ndinondi Omberoo yo Ngooneya ya Tjozondjupa no Mberoo yo Tjiuru Tjehi otji ma zetoora otukosi morukondwa oku katara otuveze two vi rumatwa vyo tjiwana peke peke morukondwa indwi.
Erero ondari eyuva eseinina ovandu mOrukondua rwa Tjozondjupa oku ningira ko mberoo yo Ngooneya kutja otukee veze tu ma ve vanga kutja tu ririsiwe ovirimatwa vyo tjiwa¿a tjazumba tu Þunwe no ku pwisiwa. Munao Omberoo yo Ngooneya otji yari aya ningira mo ru tuu ro ma yuva tjiyari 24 komweze imbwi, Oritjavari, ovana rupa avehe no vana ndero mu muna ovanane vombazu, vo zo ngamburiro naiho tjiwana atjihe ouparanga oku ningira otu veze tjingee itwi oku tuurungira mo Mberoo yo Ngooneya ko mu vatere wapeke wo Ngooneya, Elvis Muraranganda.
Imba mbene ningira vasere kutja va raisire oruveze pu pena otjirumatwa tjo tjiwa¿a itjo; ena rwa tjo na wina omatjangwa omasupi ngu ma ye ru handjaura. Tjapurwa kutja tjii hapo oruveze otjiwa¿a mbu tja perwe karusupi, Muraranganda matja ondjivisiro kuwo wina yeree o u supi nowo ave hakahana okwii kapitisa ko tjiwa¿a. Kutja mapeya omayuva aye reparisiwa matja ma tjizu ko mberoo yo Tjiuri tjehi. Ngwari o ministera ondenga Mozombanguriro Ozongohoke, Onongo Ngarikutuke Tjiriange, onguri ko honga yo tjiungura ihi otjo mu woronganise watjo okuza momberoo yo Tjiuru tjehi.
Omutjangerepo wOuhonapare wOmbazu wOvaherero, Onongo Mutjinde Katjiua, matja ondjivisiro indji veimwine Oritjatatu uriri mo tungovi nowo vari ave hiya hitisa omaningiriro kaa¿i.