Omukainhu weedula 60 okwa lopotwa a kanifa oshimaliwa shifike poN$226 097 konima a dengelwa ongodi kookalyamupombo kutya okwa findana oshimaliwa koMTC.

Opolifi oya koleka tai ti oimaliwa otai ulike ya nanwa ko kashina kombaanga yoBank Windhoek mEenhana momafiku 21 Juli, Omaandaxa.Omukulunhu koshikondo shokukonakona oimbuluma wopolifi moshitukulwa shaHangwena omupedu Commissioner Melanie Mburu okwa koleka oshiningwanima eshi. Okwa hokolola ta ti omukulupe okwa lombwelwa komulumenhu ta popi oipupulu kutya oha longo kehangano lomakwatafano loMTC.Nakuninga oshihakanwa okwa pulwa a yandje eenomola daye dombaanga dopaumwene ndele ta yandje komufekelwa.

Ota ku hokololwa kutya okudja opo oshimaliwa shaye osha lopota sha djako kombaanga.

Opolifi oya ti ka pena ouyelele kombinga yomufekelwa kutya olyelye.

Ehangano loMTC, eembanga da yooloka oshoyo opolifi olushe ohai kumaida oshiwana opo shi ha yandje vali eenomola davo dopaumwene dombaanga kovanhu.Opolifi oya ti ovanhu paife oya ninga oihakanwa yokutulwa mokatoo unene tuu ovakulupe ovo kwa li ovanashilonga ve li paife moshipundi shopendjela.

Opolifi oya ninga eenghendabala dokuyandja ehongo koshiwana okupitila moradio ashike ovanhu natango otava twikile okuninga oihakanwa yokutulwa mokatoo.

-fhamalwa@nepc.com.na