Charles Ndeumane

Opolisi yaNamibia okupitila moshikondo shayo shuukashikekookantu nonkalonawa, mekwatathano nehangano lyoWomen’s Action for Development (WAD), otayi gandja omadheulo kaapolisi nelalakano okukondjitha iimbuluma yopaukashikekookantu maapolisi yaalumentu.

Opolisi yaNamibia oyi na oshigongiilonga shoka sha tamekele momasiku 17 Juni 2024, notashi kala uule womwedhi.  Oshigongiilonga shika otashi dheula aapolisi yoonkantu dhopombanda ya za kiitopolwa ayihe yomoshilongo ya tseye iinakugwanithwa yawo mekondjitho lyiimbuluma mbyoka. Opupopiliko gwopilisi omupevikomufala Kauna Shikwambi okwa ti oshigongiilonga shoka osho shotango sholudhi ndoka. “Omadheulo otaga tameke naapolisi yoonkantu dhopombanda, opo ihe taga ka gandjwa kaapolisi yoonkantu dhopevi miikando tayi landula, oshoka shika osho shotango,” osho Shikwambi a popi ngaaka.

Oshinyangadhalwa shika otashi ningwa owina nelalakano lyokuyambula po euveko ngele tashi ya kiiyetithi oshowo iilanduli yomahepeko gopaukakwashike ko okantu, omipopyo dhaa li mondjila kombinga yuukashikekookantu, osho wo okupopila esimanekathano momakwatathano gopantu ga yooloka. 

-mrndeumaneraycharles@gmail.com