Omukifi mupe tau li nyenge mounyuni otashi dulika u dipae ovanhu 150,000 muAfrica moulefimbo u dulife podula imwe. Omapekaapeko a ningwa kuWHO otaa ulike kutya otashi dulika ovanhu ve dulife poshitine shobiliona va kwatwe komukifi.
Ovaongeli vouyelele wa nyanyangidwa mEtitano moshinyanyangidwa shoBMJ Global Health, ova tengeneka kutya moEurope noUS ota mu ka kala etandavelo linini, navanini otava ka ehemekwa kombuto moilongo omo, ashike Africa ota shi dulika a ka denge neenghono.  

Ovapekaapeki otava ti nonande oiwana ihapu yaAfrica nonande paife oya fa yeli ufa komalombwelo noya finda ombuto, otashi dulika oipangelo iha ka dule okulonga naavo tava kwatwa kombuto shaashi otava ka kala vahapu neenghono. 
Ovapekaapeki ova kunghilila yoo kutya omukifi dikwao ngaashi oHIV, oTB, Malaria nondjala otashi dulika ika handuke unene moAfrica shaashi otashi dulika oikondo youhaku ike li tule unene mekeelelo loCovid-19, voo va kale itava tale vali komikifi dikwao nokonghalo ikwao oyo nayo ya kala ya taalela oshikondo shoundjolowele.