ONGWEDIVA – Fiyo eemwedi dinini daka pita vahapu inava kala ve shi edina Eeshoke Chula Chula.
Ashike omafiku aa, keshe umwe ota popi ovamati ava, vati otava tanauna voo tai ‘pitifa eekuki’ povadanitanga veespana odo di na omadina.
Nokuli exuliloshivike mOshakati kwali to kupula mo odibo, oto kala u denge omunhu a djala okambidja ka nyolwa Eeshoke Chula Chula - shaashi ovanhu omayovi momangungo okwali va mboboloka oku dja komakule, veya okutala Chula Chula ta dana noMighty Gunners moliga yaDebmarine.
Ngaashi naanaa sha li sha teelelwa kovayambididi, Chula Chula okwa findana po oudano ou neekola 2-1.
Omuunganeki nomukwateli komesho wongudu Chula Chula Tamhila Ambrosius okwa ti, shito ohava mono ngaho ongudu yovanhu tave ya okusapota ashike shonghelainya xwangu. Ambrosius okwa ti Chula Chula okwa yambuka komukunda Eeshoke moshitukulwa shaHangwena.
Okwa ti ongudu yoovene oya totelwe mo 1999 ashike kaya li ishiivike shaashi okwali ashike hai dana etanga pomukunda.
“Ongudu oyeya ashike okushiivika nawa mo 2018 konima eshi twa kufa ombinga molixa onhivali moshitukulwa shaHangwena ndele hatu i findana po. Konima ova kakufa ombinga mofirst division league omo vali tava kondjele ekopi loMTC Aweh Cup noitukulwa yayooloka ndele tave li vena po.
Opo opo nee vadja tava mbukula vahapu vo tava shivika nawa kutya ihava yolifa okatanga kokeemhadi,” Ambosius ta ti.
Mo2022 Chula Chula oyo okwe shi pondola okufindans po ekopi loMTC Aweh.
Ambrosius okwati ovadanitanga vati ovaka pyokoka neenghono novaka pitikwa vakakufa ombinga moDebmarine premiership league ndele nalo tave li findana po.
Eholokepo lavanhu vahapu kokapale kaShakati onghelainya ve ya okutala Chula Chula ta dana no Mighty Gunners, vati ola eta lela oshimaliwa shihapu moshikefa shaChula Chula, shaashi keshe omunhu alimo okwafuta oN$30 poshivelo.
Okwati yoo okwa hala okuyandja olupandu linene ku aveshe ava veya okukufa ombinga, nokwa mona kutya mboli ovanhu vahapu oveli neekelela ongudu yaye.
Ambrosius okwa yelifa yoo kutya moghalamwenyo kapena apa pehena omashongo, okwati kashali shipu okufika ponghatu apa pena Chula Chula paife.
Ovati 0shapula okulanda ovadani tanga keenhele dayooloka. Okwati natango ngeenge tashiya pokapale ketanga natango oshakala oshimbide shakula shaashi kavena okapale keli pamufika uli xwepo.
“Elelo doolopa laHelao Nafidi oleli pyakidila nokutunga okapale medina laChula Chula pamwe nova danitanga vakwao.
Onde lineekela kutya mutu petameko lo2024 okena okukala kapwa shaashi oka tamekwa nale,” Ambrosius ta ti.
Caption:
Chula chula3.jpg:
Chula-chula 1 and 2:
Eeshoke Chula Chula sports club…Engafifi lovanhu leya okutala Chula Chula ta dana no Mighty Gunners.
Efano: Twe li pewa