EENHANA- Minista womauyelele nomakwatafano opaoungomba Peya Mushelenga okwa kumaida oshiwana opo shi fimaneke omilandu da tulwa po di shikulwe pefimbo epandela loshilongo ta li tulilwa.

Edi okwe di popya pefimbo kwa li ta popi novanafikola kosekundofikola Haimbili Haufiku mEenhana Omaandaxa.

Mushelenga okwa ti okwa didilika oshiwana inashi fimaneka epandela loshilongo ta li tulikwa.

Ta ti ye pamwe novanambelewa va yooloka okudja kouministeli womakwatafano ove li pyakidila nokuinga oshikonga shokuyandja ouyelele nehongo kovafikola koitukulwa ya yooloka.

Koitukulwa iheyali okwa ningwa nale oshikonga onghee paife itashi twikile koshitukulwa shaMusati.

Oshikonga eshi okwa li kuna ovanafikola va dja keefikola da yooloka noshoyo kovanambelewa vopolifi.

Mushelenga okwa ti elalakano loshikonga okuxwaxwameka oshiwana shi kalekepo efimano lepandela loshilongo.

“Epandela loshilongo ola fimana noli na omadidiliko a pumbwa okuushivika koshiwana,” Minista ta ti.

Okwa pula ovahongifikola opo va kale tava hongo ovanafikola nghene vena okwiimba eimbilo lopashiwana mondjila.

“Eimbilo lopashiwana na li fimanekwe efimbo keshe. Omunhu ina pumbwa okuendaenda ngeenge ta kuimbwa eimbilo lopashiwana,” Mushelenga ta ti.

Moshipopiwa shaye omukulunhuwiliki wehongo moshitukulwa shaHangwena, Isak Hamatwi okwa kumaida ovanafikola ve li honge noudinini unene tuu pefimbo e li va taalela omakonakonako a xuninwa.

fhamalwa@nepc.com.na