Ouministeli womahooli noikwamina owa yelifa kutya molwa efundja le li hanena oshilongo Lybia, ola imba eenhele omu hamudi omahooli dikale dapata, osho shaetifa omahooli apate. Lybia eumbo limwe lakula laAfrica olo halidi onduba yomahooli. Omishangwa oda holola yoo kutya Lybia okwa lopotwa ena eendoloma domahooli e li kalekelwa dafika peemiliona o48. Omupopiliko woumisteli Andreas Simon okwa ti oliitela imwe yomahooli opetrol ota i kala ina eesenda N$190, omanga omaludi aeshe omahooli odisel ta a kala ena eesenda N$240 koliteela imwe moshilongo ashishe, kakele koWalvis Bay.

MoWalvis Bay omahooli opetrol ota a kala ena eeN$22.88 koliitela, omanga odisel 50pmm tai kakala ina eeN$23.15 yoo odisel o10 ppm otai kakala ina eeN$23.35 koliitela.

Ondado ipe yomahooli otai katameka momafiku ane a Okotoba 2023. 

 Omishangwa natango oda yelifa yoo kutya ondado yomahooli ina a dindwa muSepetemba oyali pee USD114.316 oku yelekanifa nomwedi waAguste omo ondado yomahooli ina adindwa ya li poUSD110.549.

Simon okwa tumbula yoo kutya kondado yomahooli odisel o50 ppm momwedi Sepetemba owali pee USD124.796 oku yelekanaifa naAguste omo ondado yali pee USD118.292 kondoloma imwe.

Ondado yomahooli odisel 10 ppm muSepetemba oyali pee USD125.712 kondoloma imwe, oku yelekanifa na Aguste omo ali pee USD199.406 kondoloma imwe.

taimihaihambo2000@gmail.com