Omulumentu gwedhina Vilho Panduleni a tseyika nawa Njati ngoka a ningi esiku ta kongwa okwa monika.

Panduleni okwa adhika e li nawa koJohannesburg.

Gumwe ngoka e mu shi nawa okwa lombwele oshifokundaneki shika kutya Panduleni okwa kuthwa kaafuthi ololi ayihe niiti ya li ya humbata, osho wo iikutu a li a zala, ongodhi yopeke niimaliwa, e taye mu thigi mombuga.

“Onda li nda popi naye lwahugunina Olyomakaya koWhatsapp ihe okuza mpoka ongodhi ye inayi kala we mombepo,’’ ta hokolola ngaaka.

Ehangano hali ungaunga moshimpungu shiiyenditho moNamibia The Namibia Revolutionary Transport Union (NARETU) olya li lya pititha kutya Panduleni ke wetike okuza Olyomakaya ya zi ko.

“Panduleni okwa yugwa ololi yi na iiti koHerriesmit koJohannesburg. Sho kwa ningwa omapekaapeko ololi ndjoka lwahugunina oya li tayi ulike yi li koSam Samngweni Truck Stop koongamba dhaMasina,’’ ehangano lya shanga ngaaka komalungula.

Ehangano lyo-NARETU petameko lyomumvo nguka olya li lya nyenyeta kutya aahingi yomaloli kaye li we megameno koSouth Africa sho taya yugwa omaloli kaafuthi.

-vkaapanda@nepc.com.na

A monika… Vilho Panduleni a tseyika nawa Njati ngoka a ningi esiku ta kongwa okwa monika. 

Efano: Otwe li pewa