Okaana kokamati keedula nhatu oka fya eshi ka kwatwa kokashelu eshi kwa li taka lotoka meumbo Osoondaxa potundi 15h00 momukunda Okapyakeedilo, moshitukulwa shaShikoto. Nakufya okwa tongolwa oye Kornelia Ndeutapo omukalimo womomukunda Okapyakeedilo.

Omupopiliko wopolifi moshitukulwa shaShikoto Inspector Ellen Nehale okwa hokolola ta ti okaana okwa li taka lotoka taka di kokalikoshelo konima eshi ka mana okulikosha pefimbo lodula tai loko. Okwa hokolola ta ti eshi okaana taka lotoka ka uka moshivelo shonduda oka kwatwa kokashelu nokulidenga po.

Okaana oka twalwa kokapangelo Onamishu opo ka mone epango lopaunamiti, nokonima okaana oka tuminwa koshipangelo shakula shaMuthiya shaashi okwa li ka pumbwa okumona ndokotola.

Konima eshi okaana ka pangwa ova shuna keumbo na ina efiku tuu olo lOsoondaxa shaashi onghalo yako okwa li ya tya po xwepo.

Omaandaxa okaana oka twalwa natango koshipangelo shaMuthiya kuina konima eshi ka tameka taka vele, ashike okaana koshipangelo inaka fika ko vali eshi kaxulifila  mondjila yokuya koshipangelo.

Opolifi oya kunghilila ovadali opo va kale va tonatela ounona vavo momaumbo ngeenge ku na odula tai shela shaashi okwa didilikwa neudo ovanhu vahapu va ninga oihakanwa kushelulwa po kokashelu.

– fhamalwa@nepc.com.na