Omunailonga mukulu wombaanga yoBank Windhoek mOpuwo Nico Rebebe ina holoka natango momhangu.

Rebebe vati natango oku li meembete, e li ta mono epango loudu wosuuka. Rebebe okwa ningile oule womwedi ta kongwa kopolifi mekwatafano loshimbuluma shoumbudi woshimaliwa sheemilliona N$2 taku fekelwa a vaka mombaanga omo a li ha longo.

Omukulunhu wopolifi moshitukulwa shaKunene Commissioner James Nderura okwa ti onghalo yaRebebe itai pitike manga a holoke komhangu. “Ngeenge okwa lekelwa ota holoka momhangu diva opo a dule okupangulwa,” ta ti.

Nderura okwa ti Rebebe okwa kwatwa po Etine loshivike sha dja ko a hangika keumbo lomukainhu waye mOpuwo konima eshi omukainhu ou a shivifila opolifi kutya Rebebe oku li keumbo laye. Otaku hokololwa kutya Rebebe oye a lombwela omukainhu waye a shivifile opolifi i ke mu kwate po shaashi okwa loloka okukala a hondama.

Efiku olo Rebebe okwa ninga ko ashike okafimbo kashona koshitaashi shopolifi nokutwalwa koshipangelo.

- fhamalwa@nepc.com.na