Omupedupilima minista Netumbo Nandi-Ndaitwa okwa ti omifyuululwkalo inadi longifwa ongoshiima shokutukula ovanhu, ashike nadi kale omukalo woku va tula kumwe.

Nandi-Ndaitwa edi okwe di popya pefimbo louvalelo wokuongela oshimaliwa shomauliko oipindi omapata haa kala ko omudo keshe, taa ifanwa Oshakati Totem Expo. 

Nandi-Ndaitwa okwa tumbula kutya omapata naa talike ko ongondjila yokuongela ovanhu, noku va tula kumwe, fyee ngeno hatu shi ufana edu laNamibia la yambapalekwa komihoko nomapata.

“Omifyuululwakalo natango ohadi dana onghandangala yakula mokuyambula po omifyuululwakalo, oshoyo okuyandja eemhito dokumonena ovanhu oiyuemo,” minista ta tumbula.

Okwa twikila yoo kutya ota ifana ovanhu aveshe konooli yoshilongo, nomoshilongo ashishe koonono opo ve uye va kufe ombinga mOshakati Totem Expo. Mayola wodoolopa yaShakati Leonard Hango okwa tumbula kutya mouvalelo wokuongela oshimaliwa ova likola mo oshimaliwa sha koya poN$400 000.

Okwa twikila kutya elalakano loshimaliwa okutunga onhele yavo yomauliko oipindi, shaashi paife ohava longifa okapale shaashi ohaka futilwa.

“Eshi ohatu shi ningi yoo opo tu ete exumokomesho modoolopa yetu, voo novakalimo vaShakati va dule okulonga noupu,” Hango ta tumbula.

Omauliko oipindi oneudo, otaa ka kala ko pokati komafiku 4 fiyo 10 Desemba, mokapale komaudano kaShakati.

 Ovanangeshefa aveshe vopokati naava vakula ova teelelwa ova teelelwa va kufe ombinga, vati opo va dule okuulika eshi hava dulu okuninga oshoyo okumona oimaliwa momikalo da yooloka, mayola ta ti.