Paulina Ndalikokule 

Aakalimo yomOshakati ota ya tsikike noku tyapula iifuta yomeya dhili ngaashi yili sho elelo lyondoolopa lyatseyitha kutya ita dhi kashendja.

Mayola gwondoolopa Leonard Hango okwa popi ngeyi pethimbo a li ta pititha omutengenekwa-thaneko gwelelo gwiimaliwa yogomvula 2024/25 metitano.

Elelo olya tengeneka oku ka longitha oshimaliwa sha thika poomiliyona N$244 lwaampka oku gandja omayakulo koshigwana.

“Osha simana okutseyitha kutya itatu ka gwedhela oondando dhomeya molwa omahupilo gomoshilongo nomuuyuni kaage li nawa,” ta ti. Momutengenekwa muyalu omwa kwatelwa omayakulo gomeya kOmpumbu N$7.6, oku tunga ondama yomeya mEvululuko moKandjengedi kokuumbugaantu. 

Okwa ti, osha simana opo oshigwana shi longele kumwe nelelo nayo ya shili kwashilipaleke kutya iimaliwa mbyoka ota yi longithwa paushili.

“Otatu indike oshigwana ashihe shi kale nokukudathana natse, tashi tu pe wo omagwedhelepo kuuyelele molwa uuwanawa gehumo komeho lyondoolopa yetu,” ta ti ngaaka.

– ndalikokulep@gmail.com