Charles Ndeumane 

ONGWEDI VA – Ofamili yomulumentu omugundjuka ngoka a hulitha konima sho a tsuwa nombele komufekelwa ngoka e mu lundile kutya okwa yaka po ongodhi ye yopeke oya ti Peter Kalyongo okwa si eso lyiipundjamenye. 

Ti m o t e us Pa u l u s , omumwayigona gwanakusa Petrus Sheuyang, ngoka a tseyika nawa nedhina Peter Kalyongoe, okwa lombwele New Era kutya ofamili you uva nayi unene oshoka Kalyongo okwa dhipagelwa oshinima inee shi ninga. “Peter okwa li omunyangadhali onkene ezepo lye olya guma ofamili unene,” osho Timoteus a popi pethimbo lyoonkundathana. 

Pe t rus Sheuyange a tseyika nawa nedhina Peter Ka lyongo, omukalimo gwomomukunda Onamutayi mo s h i k andj oho g o l o l o shaNgwediva okwa hulitha mehililoshiwike sho a tsuwa nombele mepepe nomondunda komufekelwa (28) ngoka e mu lundilile okuyaka po ongodhi ye yopeke, ashike pahokololo twe li pewa omufekelwa sho a hadhwa moondjato dhombulukweya ndjoka a li a zala, ongodhi ye omo ya adhika. 

Shi ikwatelela kolopota y i i mbuluma yopol i s i , oshiningwanima shika osha ningilwa pehala lyomanwino lyaRasta Kapana mOngwediva lwopombali yokoongulasha. Paholokololo twe li pewa, omufekelwa okwa lundile Kalyongo kutya okwa yaka po ongodhi ye nokwe mu ponokele noku mu tsa nombele. 

Kalyongo okwa hulitha sho a thiki koshipangelo shepangelo shaShakat i, naakwanezimo yanakusa oya tseyithilwa nale. Oshilwitho sha longithwa komufekelwa, ombele yokapi, oya kuthwa po kopolisi, nomufekelwa, ngoka omukalimo gwomoNew Reception mOngwediva, okwa kwatwa po. 

Moshipotha sha yooloka shonkambadhala yedhipago, omulumentu gwomimvo 24 omukalimo gwomomukunda Iingapanda moshitopolwa shaMusati okwa yahwa komugameni gwomaliko pehala lyomanwino konima yoontamanana. 

Shi ikolelela kolopota yopolisi moshitopolwa shaMusati ndjoka ya gandjwa komukuluntu gwopolisi moshitopolwa shaMusati Ismael Basson, otaku fekelwa kutya omugameni gwomaliko ota fekelwa a yaha nokweehameka nakuninga oshihakanwa moompadhi adhihe mbali. 

Basson okwa ti, “otaku fekelwa kutya nakuninga oshihakanwa okwa yi kehala ndyoka lyomanwino nookuume ke yatatu ndele e taya landa iikunwa yawo e ta ya shuna nombili, konima yethimbo okwa galuka a geya ta nyenyeta kutya ina pewa oshendja ya gwana po, omufekelwa okwe mu indile opo a galuke ongula oshoka okwa adha omulandithi pehala mpoka a pata, nakuninga oshihakanwa okwa tameke okuningila omufekelwa omatilitho, shono sha geyitha omufekelwa opo e mu yahe”. 

Basson okwa ti omufekelwa oku shiwike, ashike ina mangwa po natango, nomakonakono gopolisi otaga tsikile. 

-mrndeumaneraycharles@ gmail.com